ខេត្តព្រៃវែង ៖ បុរសម្នាក់បានបាត់បង់ជីវិតភ្លាមៗនៅនឹងកន្លែង ដោយសារតែត្រូវរន្ទះបាញ់ ខណៈដែលរូបគាត់បានដើរកាត់ភ្លៀងត្រឡប់មកពីរកត្រីនៅចម្ងាយ១០០ម៉ែត្រពីផ្ទះ ។ ហេតុការណ៍នេះបានកើតឡើងនៅវេលាម៉ោង១៩និង០០នាទីថ្ងៃទី១៣ ខែឧសភា ឆ្នាំ២០១៨ នៅចំណុចខាងត្បូងភូមិអំបែងចេះ ឃុំល្វេ ស្រុកស៊ីធរកណ្តាល ខេត្តព្រៃវែង ។
សមត្ថកិច្ចបានឲ្យដឹងថា ជនរងគ្រោះខាងលើមានឈ្មោះ ផេង ដារ៉ា ភេទប្រុស អាយុ៤៧ឆ្នាំ រស់នៅភូមិអំបែងចេះ ឃុំល្វេ ស្រុកស៊ីធរកណ្ដាល ។ ប្រភពបានបន្តថា នៅមុនពេលកើតហេតុ គឺមានភ្លៀងធ្លាក់បង្គួរដែរនៅតាមទីជនបទនៅពេលមេឃភ្លៀងធ្លាក់បែបនេះ អ្នកស្រុក និងបបួលគ្នាចេញទៅរកត្រីព្រោះអាកាសធាតុបែបនេះ ត្រី និងវាឡើងចេញពីកន្លែងដែរវានៅទៅកន្លែងមួយផ្សេងទៀតជាឱកាសដែលបងប្អូនអ្នកស្រែចម្ការអាចរកត្រីបានច្រើនជាងធម្មតា ។ ហើយនៅពេលនោះជនរងគ្រោះខាងលើក៏បានចេញពីផ្ទះទៅរកត្រីនៅក្នុងបឹងចម្ងាយពីផ្ទះប្រហែល១០០ម៉ែត្រ និងគេដែរ តែនៅពេលដើរត្រឡប់មកផ្ទះវិញ ជាអកុសលក៏ត្រូវរន្ទះបាញ់ស្លាប់តែម្តងទៅ ។
ផ្អែកតាមការពិនិត្យសព និងតាមការពិនត្យកន្លែងកើតហេតុសមត្ថកិច្ចបានសន្និដ្ឋានថា ឈ្មោះផេង ដារ៉ានេះពិតជាស្លាប់ដោយរន្ទះបាញ់ពិតប្រាកដមែន ។ បច្ចុប្បន្នសមត្ថកិច្ចបានប្រគល់សពឱ្យក្រុមគ្រួសារយកទៅធ្វើបុណ្យតាមប្រពៃណី ៕
ចែករំលែកព័តមាននេះ