ខេត្តព្រៃវែង ៖ ករណីទំនាស់ពាក្យសម្តីគ្នាក្នុងវង់ផឹកស៊ីបុរសម្នាក់រងរបួសធ្ងន់ ព្រោះគូរទំនាស់កាប់បីពូថៅ ត្រូវគេបញ្ជូនទៅកាន់មន្ទីរពេទ្យដើម្បីសង្គ្រោះ ។ ករណីហិង្សាដោយចេតនានេះបានកើតឡើងនៅវេលាម៉ោង០៦និង៣០នាទីយប់ថ្ងៃទី១១ ខែឧសភា ឆ្នាំ២០១៨ នៅចំណុចភូមិវាល ឃុំស្មោងត្បូង ស្រុកកំចាយមារ ខេត្តព្រៃវែង ។
តាមសម្ថកិច្ចមូលដ្ឋានបានឲ្យដឹងថា ជនបង្កមានឈ្មោះ ផាន់ ថា ភេទប្រុស អាយុ៣៧ នៅភូមិជំពូ ឃុំស្មោងត្បូង ស្រុកកំចាយមារ ខេត្តព្រៃវែង រីឯជនរងគ្រោះត្រូវគេកាប់មានឈ្មោះសេក ថុល ភេទប្រុស អាយុ៥៣ឆ្នាំ នៅភូមិបឹងពោធិ៍ ឃុំស្មោងត្បូង ស្រុកកំចាយមារ ខេត្តព្រៃវែង ។
ប្រភពបន្តថា នៅមុនពេលកើតហេតុ គឺជនបង្ក និងជនរងគ្រោះ និងអ្នកភូមិពីរបីនាក់ទៀត បានជុំគ្នាផឹកស៊ី លុះផឹកបានមួយសន្ទុះក៏កើតជាការជជែកវែកគ្នា រួចក៏ឈានដល់ការទាស់សម្តីគ្នា ហើយជនសង្ស័យក៏ទាញបានពូថៅដៃកាប់ទៅលើជនរងគ្រោះឲ្យរងរបួសត្រូវចំនួន០៣កន្លែង ឆ្អឹងខ្នងពីក្រោយ ប្រវែង១ចំអាម ស្មាខាងក្រោយប្រវែង០៤សង់ទីម៉ែត្រ កំពួនដៃប្រវែង០២សង់ទីម៉ែត្រ ហើយពេលធ្វើសកម្មភាពរួច ជនសង្ស័យបានយកពូថៅរត់គេចខ្លួនបាត់ ។
បច្ចុប្បន្នជនរងគ្រោះបានសម្រាលកព្យាលបាលនៅពេទ្យឯកជន ភូមិព្រឹក្សាទី១ ៕
ចែករំលែកព័តមាននេះ