ទីក្រុងឡុងដ៍ ៖ កាលពីថ្ងៃទី៩ ឧសភា តម្លៃប្រេងបានកើនឡើងដល់កម្រិតខ្ពស់ជាងគេក្នុងរយៈពេល៣ឆ្នាំមកនេះ បន្ទាប់ពីលោកប្រធានាធិបតី ដូណាល់ ត្រាំ ដកអាមេរិកចេញពីកិច្ចព្រមព្រៀងអាវុធនុយក្លេអ៊ែរអ៊ីរ៉ង់ ដែលបង្កឲ្យមានការដាក់ទណ្ឌកម្មលើការនាំចេញប្រេងឆៅរបស់ប្រទេសនេះ…
ទីក្រុងឡុងដ៍ ៖ កាលពីថ្ងៃទី៩ ឧសភា តម្លៃប្រេងបានកើនឡើងដល់កម្រិតខ្ពស់ជាងគេក្នុងរយៈពេល៣ឆ្នាំមកនេះ បន្ទាប់ពីលោកប្រធានាធិបតី ដូណាល់ ត្រាំ ដកអាមេរិកចេញពីកិច្ចព្រមព្រៀងអាវុធនុយក្លេអ៊ែរអ៊ីរ៉ង់ ដែលបង្កឲ្យមានការដាក់ទណ្ឌកម្មលើការនាំចេញប្រេងឆៅរបស់ប្រទេសនេះ ។ ក្នុងថ្ងៃដដែល តម្លៃប្រេងឆៅបានកើនជិត៣% ។
ប៉ុន្តែលោក Thomas Pugh សេដ្ឋវិទូក្នុង Capital Economics និយាយថា ការសម្រេចចិត្តរបស់លោកត្រាំ តែមួយ មិនអាចប៉ះពាល់ខ្លាំងលើការផ្គត់ផ្គង់ប្រេងពិភពលោកទេ។
លោកថា ៖« ភាពតានតឹងផ្នែកភូមិសាស្ត្រនយោបាយកាន់តែធ្ងន់ធ្ងរឡើង ហើយបើអ៊ីរ៉ង់សម្រេចថា ដកខ្លួនចេញពីកិច្ចព្រមព្រៀងអាវុធនុយក្លេអ៊ែរនោះ ការប៉ះពាល់លើការផ្គត់ផ្គង់ប្រេងនឹងកាន់តែធ្ងន់ធ្ងរឡើង » ។ លោកព្យាករថា តម្លៃប្រេងនឹងបន្តកើនឡើងក្នុងរយៈពេលប៉ុន្មានខែមុខនេះ ។
លោក Craig Erlam អ្នកវិភាគក្នុង OANDA និយាយថា ៖« ពាណិជ្ជករជឿជាក់ថា ការដាក់ទណ្ឌកម្មនឹងរឹតបន្តឹងលើការផ្គត់ផ្គង់ប្រេងពិភពលោកបន្ថែមទៀត ខណៈប្រទេសផលិតប្រេងធំៗមួយចំនួនបានកាត់បន្ថយប្រេងក្នុងស្តុកជាច្រើន » ។
ទោះជាយ៉ាងណា អារ៉ាប៊ីសាអូឌីត ដែលជាប្រទេសនាំចេញប្រេងច្រើនជាងគេលើពិភពលោក បាននិយាយថា ពួកគេនឹងខិតខំការពារមិនឲ្យខ្វះខាតឡើយ ។
លោកត្រាំ អះអាងថា ការដាក់ទណ្ឌកម្មអាចប៉ះពាល់ដល់សមត្ថភាពរបស់អ៊ីរ៉ងក្នុងការនាំចេញប្រេង ដែលជាប្រភពចំណូលធំជាងគេរបស់ប្រទេសនេះ ។
មានការព្យាករថា តម្លៃប្រេងឆៅអាចនឹងកើនដល់៨០ដុល្លារក្នុង១ធុង ដោយសារការជំរុញពីភាពមិនប្រាកដប្រជាក្នុងប្រទេសវ៉េណេស៊ុយអេឡា, កិច្ចព្រមព្រៀងកាត់បន្ថយផលិតកម្មប្រេងរវាងប្រទេសក្នុង OPEC និងរុស្ស៊ី, តម្រូវការពិភពលោកល្អប្រសើរ និងចំនួនប្រេងក្នុងស្តុករបស់អាមេរិកធ្លាក់ចុះ ៕
ចែករំលែកព័តមាននេះ