ខេត្តមណ្ឌលគិរី ៖ ថវិកាជាង៩ម៉ឺនដុល្លារត្រូវបានសប្បុរសជននានាបរិច្ចាគជួយគាំទ្រសាខាកាកបាទក្រហមកម្ពុជាខេត្តមណ្ឌលគិរី ក្នុងពិធីអបអរសាទរខួបលើកទី១៥៥ ទិវាពិភពលោកកាកបាទក្រហម អឌ្ឍច័ន្ទក្រហម ៨ ឧសភា ២០១៨ ក្រោមប្រធានបទ «កាកបាទក្រហមកម្ពុជា មានគ្រប់ទីកន្លែងសម្រាប់គ្រប់គ្នា សម្រាប់គ្រប់ៗគ្នា មិនទុកនណាម្នាក់ចោល» ដែលពិធីនេះបានប្រព្រឹត្តទៅក្រោមអធិបតីភាពលោកឧកញ៉ា អ៊ឹង ស៊ីតាតវិរៈ ប្រធានកិត្តិយសសាខាកាកបាទក្រហមកម្ពុជាខេត្ត និងជាជំនួយការផ្ទាល់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន កាលពីព្រឹកថ្ងៃទី១០ ខែឧសភា ឆ្នាំ២០១៨។
លោក ស្វាយ សំអ៊ាង បានបញ្ជាក់ថា ការប្រារព្វទិវាកាកបាទក្រហម អឌ្ឍច័ន្ទ ក្រហមឆ្នាំនេះ ក្រោមប្រធានបទ «កាកបាទក្រហមកម្ពុជា មានគ្រប់ទីកន្លែងសម្រាប់គ្រប់គ្នា សម្រាប់គ្រប់ៗគ្នា មិនទុកនណាម្នាក់ចោល» ដោយប្រមូលថវិកាពីសប្បុរសជនបានចំនួន៩៣.៨៤៨ដុល្លារ ក្នុងនោះ លោកឧកញ៉ា អ៊ឹង ស៊ីតាត
វិរៈ ប្រធានកិត្តិយសសាខាកាកបាទក្រហមកម្ពុជាខេត្ត បានចូលរួមបរិច្ចាគចំនួន៣ម៉ឺនដុល្លារផងដែរ។អភិបាលខេត្តបានថ្លែងអំណរគុណយ៉ាងជ្រាលជ្រៅ ចំពោះលោក លោកជំទាវ លោកឧកញ៉ា លោក លោកស្រី និងសប្បុរសជនទាំងអស់ ដែលតែងតែចូលរួមផ្តល់ការគាំទ្រទាំងស្មារតី និងសម្ភារៈ ព្រមទាំងថវិកា ដើម្បីជួយដល់សាខាកាកបាទក្រហមកម្ពុជាខេត្តមណ្ឌលគិរីអាចមានលទ្ធភាពបន្តនូវការងារមនុស្សធម៌ដ៏ល្អប្រពៃ ក្នុងការជួយសង្គ្រោះប្រជាពលរដ្ឋខ្មែរទូទៅ ដែលរងគ្រោះ និងងាយរងគ្រោះក្នុងករណីផ្សេងៗ ឬរងគ្រោះ ដោយគ្រោះធម្មជាតិ។
លោកស្រី ដួច ដារ៉ា អនុប្រធានគណៈកម្មាធិការសាខាកាកបាទក្រហមកម្ពុជាខេត្ត បានឲ្យដឹងថា សាខាកាកបាទក្រហមកម្ពុជាខេត្តមណ្ឌលគិរី នាឆ្នាំ២០១៧-២០១៨នេះ បានជួយជនរងគ្រោះ ដោយគ្រោះមហន្តរាយ និងឧបទ្ទវហេតុផ្សេងៗ ដែលបានកើតទ្បើងធ្វើឲ្យពលរដ្ឋរងគ្រោះចំនួន ៣៩៨គ្រួសារ ហើយត្រូវចំណាយថវិកាអស់ចំនួន១៧៩.១០០.០០០ រៀលរួមទាំងសកម្មភាពមនុស្សធម៌ផ្សេងៗ របស់សាខាកាកបាទក្រហមខេត្តមណ្ឌលគិរីផងដែរ៕
ចែករំលែកព័តមាននេះ