ខេត្តព្រៃវែង ៖ លោក ទេព ភារុន អភិបាលនៃគណៈអភិបាលស្រុកបាភ្នំ រួមនឹងក្រុមការងារ បាននាំយកអំណោយកាកបាទក្រហមកម្ពុជា និងថវិការបស់ក្រុមការងារថ្នាក់ជាតិ និងថ្នាក់ស្រុក…
ខេត្តព្រៃវែង ៖ លោក ទេព ភារុន អភិបាលនៃគណៈអភិបាលស្រុកបាភ្នំ រួមនឹងក្រុមការងារ បាននាំយកអំណោយកាកបាទក្រហមកម្ពុជា និងថវិការបស់ក្រុមការងារថ្នាក់ជាតិ និងថ្នាក់ស្រុក ចុះជួយឃុំបឹងព្រះ ទៅចែកជូនដល់គ្រួសារបងប្រុសឈ្មោះ ស៊ូ ធឿង ភេទប្រុស អាយុ៣៩ឆ្នាំ នៅភូមិក្បាលដំរី ឃុំបឹងព្រះ ស្រុកបាភ្នំ ដែលរងគ្រោះថ្នាក់ធម្មជាតិដោយខ្យល់ព្យុះ បាក់ផ្ទះមួយខ្នង ទំហំ៤ម៉ែត្រ គុណនឹង៥ម៉ែត្រ បណ្តាលឲ្យខូចខាតទាំងស្រុង កាលពីថ្ងៃទី០៧ មេសា ២០១៨។
នាឱកាសនោះ លោកអភិបាលស្រុកក៏បានពាំនាំប្រសាសន៍របស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលផ្តាំផ្ញើសួរសុខទុក្ខ ក្តីអាណិតអាសូរ និងការសោកស្តាយ ចំពោះ ឧបទ្ទវហេតុដែលបានបំផ្លាញលំនៅដ្ឋាន និងទ្រព្យសម្បត្តិរបស់បងប្អូន ដែលបង្កដោយគ្រោះ ធម្មជាតិ នាពេលនេះ។ គួរបញ្ជាក់ថា អំណោយដែលនាំយកមកចែកជូននាពេលនេះរួមមាន ថវិកាចំនួន ៧៥០,០០០រៀល អង្ករ៥០គីឡូក្រាម មីមួយកេះ ទឹកត្រីមួយយួរ ទឹកស៊ីអ៊ីវមួយយួរ កន្ទេល ខ្នើយ មុង ផួយ ចានឆ្នាំង និងសម្ភារផ្ទះបាយមួយចំនួនទៀតផងដែរ៕
ចែករំលែកព័តមាននេះ