ខេត្តបន្ទាយមានជ័យ ៖ កម្លាំងកងរាជអាវុធហត្ថក្រុងប៉ោយប៉ែតបង្ក្រាបបទល្មើសបាន៣ករណី ចាប់ខ្លួនជនសង្ស័យ បាន៥នាក់ ដោយឡែកពីគ្នា ត្រូវបានបញ្ជូនទៅសាលាដំបូងខេត្តបន្ទាយមានជ័យចាត់ការតាមច្បាប់នៅ ថ្ងៃទី០៩ ខែឧសភា ឆ្នាំ២០១៨។ លោកវរៈសេនីយ៍ត្រី នួន នីណារ៉ូ មេបញ្ជាការកងរាជអាវុធហត្ថក្រុងប៉ោយប៉ែត បានប្រាប់ថា៖ ករណីទី១.កាលពីថ្ងៃទី០៧ ខែឧសភា ឆ្នាំ២០១៨ នៅចំណុចភូមិប៉ាលិលេយ្យមួយ សង្កាត់.ក្រុងប៉ោយប៉ែត បានឃាត់ខ្លួនជនសង្ស័យម្នាក់ ឈ្មោះ ជា ម៉ែន ភេទប្រុស អាយុ១៩ឆ្នាំ រស់នៅភូមិក្បាលកោះ សង្កាត់.ក្រុងប៉ោយប៉ែត។ ដែលចាប់ខ្លួនតាមបណ្តឹងជនរងគ្រោះ១.ឈ្មោះ លន់ វណ្ណេត ភេទប្រុស អាយុ៣២ឆ្នាំ ២.ឈ្មោះ លឹម ប៊ុនអ៊ុយ ភេទប្រុស អាយុ៤០ឆ្នាំ ដែលជនរងគ្រោះ២នាក់ ត្រូវបានជនសង្ស័យ១ក្រុមមានគ្នា៣នាក់ធ្វើសកម្មភាពលួចអស់ មានរទេះដឹកអីវ៉ាន១គ្រឿង ម៉ាស៊ីក្រឡុកទឹកក្រឡុក១គ្រឿង ទឹកក្រូចកំប៉ុង ធ្វើសកម្មភាពលួចថ្ងៃទី០៦ ខែឧសភា ឆ្នាំ២០១៨ ស្ថិតភូមិប៉ាលិលេយ្យមួយ សង្កាត់.ក្រុងប៉ោយប៉ែត។ ករណីទី២.កាលពីថ្ងៃទី០៧ ខែឧសភា ឆ្នាំ២០១៨ នៅភូមិអូរជ្រៅ សង្កាត់.ក្រុងប៉ោយប៉ែត បានឃាត់ខ្លួនជនសង្ស័យម្នាក់ឈ្មោះ រឿន ថា ភេទប្រុស អាយុ១៤ឆ្នាំ រស់នៅភូមិកើតហេតុខាងលើ។
ចាប់ខ្លួនតាមពាក្យបណ្តឹងជនរងគ្រោះឈ្មោះ ផ្លឹង សុភាព ភេទប្រុស អាយុ៤៥ឆ្នាំ រស់នៅភូមិខាងលើបានប្តឹងចោទប្រកាន់ឈ្មោះ រឿន ថា ធ្វើសកម្មភាពលួចយកអស់កុំព្យូទ័រ១គ្រឿង ទូរស័ព្ទដៃ១គ្រឿង ដោយចាញ់ល្បែងកាស៊ីណូ ហើយធ្វើសកម្មភាពលួចម៉ោង៤ទៀបភ្លឺចូលថ្ងៃទី០៧ ខែឧសភា ឆ្នាំ២០១៨ នៅភូមិអូរជ្រៅ សង្កាត់.ក្រុងប៉ោយប៉ែត។ ករណីទី៣.កាលពីថ្ងៃទី០៧ ខែឧសភា ឆ្នាំ២០១៨ នៅភូមិក្បាលស្ពានមួយ សង្កាត់.ក្រុងប៉ោយប៉ែត បានឃាត់ខ្លួនជនសង្ស័យ៣នាក់ ១.ឈ្មោះ ម៉ាន ដារ៉ា ភេទប្រុស អាយុ១៨ឆ្នាំ ២.ឈ្មោះ ណុប ចាន់ឧត្តម ភេទប្រុស អាយុ១៦ឆ្នាំ ៣.ឈ្មោះ អឿន សៀវឡុង ភេទប្រុស អាយុ១៦ឆ្នាំ ជនសង្ស័យរស់នៅក្រុងប៉ោយប៉ែត។
នៅពេលចាប់ខ្លួនជនសង្ស័យកម្លាំងបានទទួលពាក្យបណ្តឹងជនរងគ្រោះតាមពាក្យបណ្តឹងឈ្មោះ សុខ សុភារិទ្ធ ភេទប្រុស អាយុ១៧ឆ្នាំ រស់នៅភូមិសាមគ្គីមានជ័យ សង្កាត់.ក្រុងប៉ោយប៉ែត បានប្តឹងជនសង្ស័យ និងបក្ខពួក៥នាក់ បានធ្វើសកម្មភាពយកដាវសាំម៉ូរ៉ៃកាប់ទៅលើជនរងគ្រោះដាច់សរសៃ និងឆ្អឹងខាងឆ្វេងរបួសធ្ងន់ នៅវេលាម៉ោង១រំលងអាធ្រាត្រ ចូលថ្ងៃទី០៧ ខែឧសភា ឆ្នាំ២០១៨ នៅបរិវេណឌីស្កូថាច់ដោន ស្ថិតភូមិក្បាលស្ពានមួយ សង្កាត់.ក្រុងប៉ោយប៉ែត។ ដោយជនសង្ស័យសារភាពថា៖ មូលហេតុដែលបក្ខពួករបស់ខ្លួនកាប់ជនរងគ្រោះ បណ្តាលមកពីជនរងគ្រោះយកដុំថ្មគប់ទៅលើបក្ខពួកខ្លួនទើបនាំគ្នាកាប់ជនរងគ្រោះបណ្តាលរបួសធ្ងន់៕ (
ចែករំលែកព័តមាននេះ