ចក្រភពអង់គ្លេសនឹងងាកមកអាស៊ីអាគ្នេយ៍
ទីក្រុងឡុងដ៍ ៖ នាពេលថ្មីៗនេះ រដ្ឋមន្ត្រីពាណិជ្ជកម្មចក្រភពអង់គ្លេស លោក Greg Hands បានថ្លែងក្នុងកិច្ចប្រជុំអាស៊ាននៅប្រទេសសិង្ហបុរីថា ការចាកចេញពីសហភាពអឺរ៉ុប ឬហៅកាត់ថា…
ទីក្រុងឡុងដ៍ ៖ នាពេលថ្មីៗនេះ រដ្ឋមន្ត្រីពាណិជ្ជកម្មចក្រភពអង់គ្លេស លោក Greg Hands បានថ្លែងក្នុងកិច្ចប្រជុំអាស៊ាននៅប្រទេសសិង្ហបុរីថា ការចាកចេញពីសហភាពអឺរ៉ុប ឬហៅកាត់ថា…
ទីក្រុងឡុងដ៍ ៖ នាពេលថ្មីៗនេះ រដ្ឋមន្ត្រីពាណិជ្ជកម្មចក្រភពអង់គ្លេស លោក Greg Hands បានថ្លែងក្នុងកិច្ចប្រជុំអាស៊ាននៅប្រទេសសិង្ហបុរីថា ការចាកចេញពីសហភាពអឺរ៉ុប ឬហៅកាត់ថា Brexit នឹងមិនប៉ះពាល់ដល់ផែនការរបស់ចក្រភពអង់គ្លេសក្នុងតំបន់នេះឡើយ ។
ខណៈចក្រភពអង់គ្លេសព្យាយាមធ្វើឲ្យកិច្ចព្រមព្រៀងសហភាពអឺរ៉ុបចំនួន៤០ ក្លាយជាកិច្ចព្រមព្រៀងទ្វេភាគីជាមួយចក្រភពអង់គ្លេស ប្រទេសនេះចាប់អារម្មណ៍ចង់ចូលរួមក្នុងការចរចាបន្ថែមជាច្រើន ហើយតំបន់អាស៊ីអាគ្នេយ៍ដែលធ្វើពាណិជ្ជកម្មបានចំនួន៤៤ប៊ីលានដុល្លារកាលពីឆ្នាំ២០១៦ ក៏ទទួលបានអាទិភាពពីចក្រភពអង់គ្លេសផងដែរ ។
លោក Hands បានថ្លែងក្នុងបទសម្ភាន៍មួយនៅប្រទេសសិង្ហបុរីថា ៖« វាពិតជាសំខាន់ណាស់ ជាពិសេស ក្នុងបរិបទ Brexit មើលឃើញថា ប្រទេសអង់គ្លេសនៅតែបន្តគោល នយោបាយបែរឆ្ពោះទៅខាងក្រៅ ដូចដែលបានធ្វើនាពេលកន្លងមក » ។
ចក្រភពអង់គ្លេសបានបង្កើនធនធាន ដើម្បីជំរុញដល់ការធ្វើពាណិជ្ជកម្មរបស់ខ្លួនជាមួយប្រទេសនៅក្នុងតំបន់អាស៊ីអាគ្នេយ៍ ។
លោក Ed Vaizey ក៏ទើបតែត្រូវបានចាត់តាំងជាបេសកជនពាណិជ្ជកម្ម ដែលផ្តោតសំខាន់លើប្រទេសវៀតណាម កម្ពុជា និងឡាវផងដែរ ខណៈតំបន់អាស៊ីអាគ្នេយ៍បានសង្កត់ធ្ងន់លើគោលជំហរគាំទ្រការធ្វើពាណិជ្ជកម្មសេរី ។
ជាមួយគ្នានេះ លោក Hands មិនគិតថា នឹងកើតមានសង្គ្រាមពាណិជ្ជកម្មរវាងសហរដ្ឋអាមេរិក និងប្រទេសចិនទេ ។
លោក Hands ក៏មានតួនាទីបញ្ចុះបញ្ចូលដៃគូពាណិជ្ជកម្មនៅក្នុងតំបន់ថា Brexit នឹងមិនកែប្រែកិច្ចព្រមព្រៀងពាណិជ្ជកម្មជាមួយប្រទេសក្នុងតំបន់អាស៊ាន ឬទាមទារការចរចាលើកិច្ចព្រមព្រៀងថ្មីមួយឡើយ ៕
ចែករំលែកព័តមាននេះ