ទីក្រុងប៉េកាំង ៖ សារព័ត៌មានក្នុងស្រុករបស់ប្រទេសចិនបានបង្ហាញពីគោលជំហរសុទិដ្ឋិនិយមលើការចរចារវាងមន្ត្រីចិន និងសហរដ្ឋអាមេរិក បន្ទាប់ពីលោកប្រធានាធិបតី ដូណាល់ ត្រាំ គំរាមថា នឹងដាក់ពន្ធលើផលិតផលចិនប្រមាណ១៥០ប៊ីលានដុល្លារ ដោយលោកអះអាងថា…
ទីក្រុងប៉េកាំង ៖ សារព័ត៌មានក្នុងស្រុករបស់ប្រទេសចិនបានបង្ហាញពីគោលជំហរសុទិដ្ឋិនិយមលើការចរចារវាងមន្ត្រីចិន និងសហរដ្ឋអាមេរិក បន្ទាប់ពីលោកប្រធានាធិបតី ដូណាល់ ត្រាំ គំរាមថា នឹងដាក់ពន្ធលើផលិតផលចិនប្រមាណ១៥០ប៊ីលានដុល្លារ ដោយលោកអះអាងថា ចិនបានរំលោភលើសិទ្ធិកម្មសិទ្ធិបញ្ញា ។
សារព័ត៌មាននេះនិយាយថា ការចរចានេះផ្តល់ជាមូលដ្ឋានយ៉ាងរឹងមាំសម្រាប់ការចរចាបន្តទៀតលើការធ្វើពាណិជ្ជកម្ម និងកិច្ចសហប្រតិបត្តិការផ្នែកសេដ្ឋកិច្ច ហើយទទួលបានលទ្ធផលឈ្នះ-ឈ្នះសម្រាប់ប្រទេសទាំងពីរ ។
តាមប្រភពច្បាស់ពីការចរចានេះបាននិយាយកាលពីថ្ងៃសុក្រថា រដ្ឋាភិបាលលោកត្រាំ មានគោលជំហររឹងមាំ និងទាមទារឲ្យប្រទេសចិនកាត់ផលលើសពាណិជ្ជកម្មចំនួន២០០ប៊ីលានដុល្លារជាមួយសហរដ្ឋអាមេរិក កាត់បន្ថយពន្ធ និងការឧបត្ថម្ភធនបច្ចេកវិទ្យាទំនើបយ៉ាងខ្លាំងផងដែរ ។
តម្រូវការនេះបានស្នើឡើងមុនពេលការចាប់ផ្តើមកិច្ចចរចាកាលពីថ្ងៃព្រហស្បតិ៍ និងថ្ងៃសុក្រ ដើម្បីព្យាយាមបញ្ចៀសសង្គ្រាមពាណិជ្ជកម្មដែលបង្កការខូចខាតរវាងប្រទេសមហាអំណាចសេដ្ឋកិច្ចទាំងពីរ ។
ក្រុមហ៊ុន Capital Economics បាននិយាយថា តម្រូវការរបស់អាមេរិកពិតជាខ្ពស់ណាស់ ដែលមិនអាចមានការសម្រេចបានកិច្ចព្រមព្រៀងមួយក្នុងរយៈពេលខ្លីទេ ។
ពួកគេនិយាយថា ៖« បើរដ្ឋាភិបាលលោកត្រាំ មិនទទួលបានអ្វីតាមតម្រូវការរបស់ខ្លួនទេនោះ ភាពតានតឹងរវាងប្រទេសទាំងពីរនឹងបន្តទៅមុខទៀត » ។
White House បានឲ្យដឹងថា ក្រុមប្រតិភូអាមេរិកបានត្រឡប់ទៅកាន់សហរដ្ឋអាមេរិកវិញ ដើម្បីពិភាក្សាជាមួយលោកត្រាំ ហើយរង់ចាំសេចក្តីសម្រេចចិត្តពីលោក ។
ពួកគេបន្ថែមទៀតថា រដ្ឋាភិបាលបានយល់ស្របជាឯកច្ឆន្ទថា នឹងផ្តោតចំណាប់អារម្មណ៍លើការផ្លាស់ប្តូរទំនាក់ទំនងពាណិជ្ជកម្ម និងការវិនិយោគរវាងសហរដ្ឋអាមេរិក និងចិន ៕
ចែករំលែកព័តមាននេះ