ខេត្តព្រៃវែង ៖ យុវជនម្នាក់បានលង់ទឹកស្លាប់យ៉ាងអាណោចអាធ័ម ក្រោយពីបត់ជើងធំ រួចទៅចំតិតលាងនៅមាត់ប្រឡាយ ស្រាប់តែធ្លាក់ចូលប្រឡាយតែម្តង ហេតុការណ៍នេះបានកើតឡើងកាលពីម៉ោង3និង30នាទី រសៀល ថ្ងៃទី4 ឧសភា នៅចំណុចប្រឡាយមេទឹកមួយកន្លែង ស្ថិតក្នុងភូមិអន្លង់ចារ ឃុំនិងស្រុកព្រះស្តេច ខេត្តព្រៃវែង។
ជនរងគ្រោះខាងលើឈ្មោះ ចេត សំណាង ភេទប្រុស អាយុ15ឆ្នាំ មានទីលំនៅក្នុងភូមិ-ឃុំកើតហេតុ។
បើតាមសមត្ថកិច្ចបានប្រាប់ឱ្យដឹងថា មុនកើតហេតុ ជនរងគ្រោះបានទៅបត់ជើងធំក្បែរប្រឡាយ ពេលបត់ជើងរួច ក៏ទៅអង្គុយចំតិតគូថនៅមាត់ប្រឡាយ ដើម្បីលាងសំអាត ប៉ុន្តែទំនងជាប្រឹងខ្លាំងពេក ទើបធ្វើឱ្យដាច់ផ្ងារក្រោយធ្លាក់ចូលប្រឡាយតែម្តង ណាមួយប្រឡាយនោះជ្រៅ ហើយជនរងគ្រោះមិនចេះហែលទឹក ទើបបណ្តាលឱ្យលង់ស្លាប់ ។ បច្ចុប្បន្ននេះ សពជនរងគ្រោះត្រូវបានប្រគល់ទៅឱ្យក្រុមគ្រួសារយកទៅធ្វើបុណ្យតាមប្រពៃណី៕
ចែករំលែកព័តមាននេះ