រាជធានីភ្នំពេញ ៖ នៅវេលាម៉ោង៥ល្ងាច ថ្ងៃទី០៤ ខែឧសភា ឆ្នាំ២០១៨នេះ ក្រោយពីបើកការស្រាវជ្រាវ កម្លាំងជំនាញខណ្ឌ ប៉ុស្តិ៍បានចុះធ្វើការបង្ក្រាបជាក់ស្តែងករណីជួញដូរនូវសារធាតុញៀនដោយខុសច្បាប់ ត្រង់ចំណុចសំណង់មិនរាបរយ ក្នុងក្រុម៧ ភូមិឡកំបោរ សង្កាត់ស្វាយប៉ាក ជាលទ្ធផលក្នុង កិច្ចប្រតិបត្តិការណ៍នេះ កម្លាំងសមត្ថកិច្ចយើងបានធ្វើការឃាត់ខ្លួនជនសង្ស័យចំនួន០៤នាក់ រួមមាន ១/ឈ្មោះ លី ស្រីពៅ ភេទស្រី អាយុ៤២ឆ្នាំ ជនជាតិវៀតណាម ស្នាក់នៅផ្ទះគ្មានលេខ ផ្លូវលំ ក្រុម៧ ភូមិឡកំបោរ សង្កាត់ស្វាយប៉ាក(ជួញដូរ)។ ២/ឈ្មោះ ណេ ផាន់ណា ភេទប្រុស អាយុ៣០ឆ្នាំ ជនជាតិខ្មែរ មុខរបរជាងដែក ស្នាក់នៅផ្ទះគ្មានលេខ ផ្លូវបេតុង ក្រុមទី៥ ភូមិឡកំបោរ សង្កាត់ស្វាយប៉ាក (រក្សាទុក)។
៣/ឈ្មោះ ឡុង ស៊ីរ៉ាបីត ភេទប្រុស អាយុ១៩ឆ្នាំ ជនជាតិខ្មែរ មុខរបរកម្មករ ស្នាក់នៅភូមិគ្រួស សង្កាត់សំរោង ខណ្ឌព្រែកព្នៅ។ ៤/ឈ្មោះ មាស ស្រីពេជ្រ ភេទស្រី អាយុ២១ឆ្នាំ ជនជាតិខ្មែរ មុខរបរកម្មករ ស្នាក់នៅផ្ទះគ្មានលេខ ផ្លូវលំ ក្រុម៥ ភូមិស្វាយប៉ាក។ វត្ថុតាងដកហូតបានមាន ម្សៅក្រាមពណ៌សថ្លាចំនួន០៦កញ្ចប់ ថង់សម្រាប់វេចខ្ចប់គ្រឿងញៀនមួយចំនួន ឧបករណ៍ប្រើប្រាស់ គ្រឿងញៀនមួយចំនួន។ ក្រោយពេលឃាត់ខ្លួនជនសង្ស័យ សមត្ថកិច្ច បន្តការស្រាវជ្រាវរកបក្ខពួក និងកសាងសំណុំរឿងដើម្បីបញ្ជូនទៅសាលាដំបូងរាជធានីភ្នំពេញអនុវត្តតាមនីតិវិធី៕
ចែករំលែកព័តមាននេះ