ខេត្តកំពង់ចាម ៖ បុរសចំណាស់ម្នាក់ឃើញក្មេងស្រីរងគ្រោះដេកនៅក្រោមម្នាក់ឯង ក៏ចាប់ក្មេងស្រីរងគ្រោះរហូតសម្រេច ហេតុការណ៍នេះកើតឡើងកាលពីវេលាម៉ោង១និង២០នាទីយប់អធ្រាត្រឈានចូលថ្ងៃទី០៣ ឧសភា ។
បុរសចំណាស់ខាងលើនេះឈ្មោះ នាង ណេន អាយុ៥៤ឆ្នាំ រស់នៅភូមិប្រមាត់ដី ឃុំស្វាយទាប ស្រុកចំការលើ ចំណែកឯក្មេងស្រីរងគ្រោះអាយុ១៤ឆ្នាំ ។
លោកវរសេនីយ៍ឯក ខេង ស្រេង អធិការនគរបាលស្រុកចំការលើប្រាប់ឲ្យដឹងថា ក្មេងស្រីរងគ្រោះខាងលើខណៈកំពុងតែដេកនៅក្រោមផ្ទះឈើតែម្នាក់ឯងកាលពីយប់ថ្ងៃទី៣ ដោយឃើញឱកាសស្ងាត់ល្អ ជនសង្ស័យក៏ដើរចូលមកចាប់រំលោភសេពសន្ថវៈលើអង្រឹងតែម្តង។ លុះមកដល់ព្រឹកថ្ងៃទី៤ ឧសភា ម្តាយធំរបស់ក្មេងស្រីរងគ្រោះបានមកដាក់ពាក្យបណ្តឹងនៅប៉ុស្តិ៍រដ្ឋបាលឃុំស្វាយទាប ដើម្បីឲ្យជួយអន្តរាគម៍។ ក្រោយពេលឃាត់ខ្លួនមកសួរនាំជនសង្ស័យបានសារភាពថា ខ្លួនពិតជាបានប្រព្រឹត្តិដូច្នោះមែន ។ បន្ទាប់មកសមត្ថកិច្ចបានបញ្ចូនបន្តមកកាន់ស្នងការដ្ឋាននគរបាលខេត្តចាត់ការបន្តតាមនីតិវិធីច្បាប់ ។
សូមបញ្ជាក់ថា បុរសចំណាស់ខាងលើនេះនៅល្ងាចថ្ងៃកើតហេតុបានចូលរួមភ្ជាប់ពាក្យអ្នកភូមិ និងរាំលេងផឹកស៊ីរហូតដល់ស្រវឹង ហើយបុរសនេះមានប្រពន្ធ និងកូន៧នាក់ផងដែរ៕
ចែករំលែកព័តមាននេះ