ខេត្តពោធិ៍សាត់ ៖ សេចក្តីរាយការណ៍បឋមឱ្យដឹងថា មន្ត្រីអង្គការការពារបរិស្ថាន និងអភិរក្សសត្វព្រៃ ព្រៃឈើកម្ពុជា១៧នាក់ ត្រូវបានសមត្ថកិច្ចនគរបាលស្រុកវាលវែងនិងស្រុកភ្នំក្រវាញឃាត់ខ្លួន ពាក់ព័ន្ធករណីដាក់កុងត្រូលជជុះ ជំរិតទាលុយពីប្រជាពលរដ្ឋដឹកអុសនិងដឹកឈើធ្វើផ្ទះ ។ ការឃាត់ខ្លួនធ្វើឡើងកាលពីយប់ថ្ងៃទី០២ មេសា ស្ថិតត្រង់លើកំណាត់ផ្លូវជាតិលេខ៥៥ ត្រង់ចំណុចគីឡូម៉ែត្រលេខ៦២ ក្នុងភូមិស្ទឹងថ្មី ឃុំប្រមោយ ស្រុកវាលវែង ។
សេចក្តីរាយការណ៍បន្តថា ក្រោយកម្លាំងទទួលបានបទបញ្ជាភ្លាម កម្លាំងបានចុះទៅបង្ក្រាបជាបន្ទាន់ រហូតឈានដល់ការឃាត់ខ្លួនមនុស្សបានចំនួន១៤នាក់ នាំមកសាកសួរនៅអធិការដ្ឋាននគរបាលស្រុក ។ ដោយឡែក ក្នុងថ្ងៃជាមួយគ្នានោះដែរ សមត្ថកិច្ចនគរបាលស្រុកភ្នំក្រវាញ ក៏បានឃាត់៣នាក់ទៀត ដែលធ្វើសកម្មភាពនៅស្រុកភ្នំក្រវាញ សរុបគឺនាប១៧នាក់ ។
ប្រភពបន្តថា បន្ទាប់ពីសួរនាំទើបដឹងថា ពួកគេជាបុគ្គលិកអង្គការក្រៅរដ្ឋាភិបាល ដែលមានឈ្មោះ
ថា «អង្គការការពារបរិស្ថាន និងអភិរក្សសត្វព្រៃ ព្រៃឈើកម្ពុជា» ដែលធ្វើសកម្មភាព២៤ខេត្តក្រុង ប៉ុន្តែនៅពេលត្រួតពិនិត្យ ពុំឃើញមានឯកសារអ្វីបង្ហាញនោះទេ ។
ព័ត៌មានលម្អឹតមានផ្សាយជូនបន្តលើទំព័រកាសែតកោះសន្តិភាព ។
ចែករំលែកព័តមាននេះ