ខេត្តសៀមរាប ៖ បុរសវ័យ៥០ឆ្នាំម្នាក់ ត្រូវរន្ទះបាញ់ស្លាប់ភ្លាមៗនៅកណ្តាលវាលស្រែ បន្ទាប់ពីមានខ្យល់មួយមេបក់បោកលាយឡំនឹងតំណក់ទឹកភ្លៀងតិចតួចផង រួចក៏មានរន្ទះបាញ់មកចំជនរងគ្រោះតែម្ដង។ ខណៈកំពុងឈរមើលត្រាក់ទ័រភ្ជួរស្រែ នៅកណ្តាលវាលស្រែរបស់ខ្លួនត្រូវបានប្រពន្ធកូនយំឱបសព បង្កឱ្យមានការភ្ញាក់ផ្អើលពេញភូមិ។ ហេតុការណ៍គ្រោះធម្មជាតិរន្ទះបាញ់ប្រហារជីវិតមនុស្សនោះ…
ខេត្តសៀមរាប ៖ បុរសវ័យ៥០ឆ្នាំម្នាក់ ត្រូវរន្ទះបាញ់ស្លាប់ភ្លាមៗនៅកណ្តាលវាលស្រែ បន្ទាប់ពីមានខ្យល់មួយមេបក់បោកលាយឡំនឹងតំណក់ទឹកភ្លៀងតិចតួចផង រួចក៏មានរន្ទះបាញ់មកចំជនរងគ្រោះតែម្ដង។ ខណៈកំពុងឈរមើលត្រាក់ទ័រភ្ជួរស្រែ នៅកណ្តាលវាលស្រែរបស់ខ្លួនត្រូវបានប្រពន្ធកូនយំឱបសព បង្កឱ្យមានការភ្ញាក់ផ្អើលពេញភូមិ។ ហេតុការណ៍គ្រោះធម្មជាតិរន្ទះបាញ់ប្រហារជីវិតមនុស្សនោះ បានកើតឡើងកាលពីវេលាម៉ោង០៥ និង១០នាទីល្ងាច ថ្ងៃទី៣ ខែឧសភា ឆ្នាំ២០១៨ ស្ថិតនៅចម្ងាយពីភូមិប្រមាណ៣០០ម៉ែត្រ ក្នុងភូមិបឹង សង្កាត់ជ្រាវ ក្រុង/ខេត្តសៀមរាប។
តាមប្រភពពីសមត្ថកិច្ចបានឱ្យដឹងថា មុនពេលកើតហេតុជនរងគ្រោះ បានឈរមើលគេភ្ជួស្រែឱ្យស្រាប់តែមានខ្យល់មួយមេបក់បោកលាយឡំនឹងតំណក់ទឹកភ្លៀងតិចតួចផង រួចក៏មានរន្ទះបាញ់ មកចំជនរងគ្រោះតែម្ដង។ ប្រភពបានបន្តថា ជនរងគ្រោះមានឈ្មោះ ស៊ុំ សាំ អាយុ៥០ឆ្នាំ រស់នៅភូមិបឹង សង្កាត់ជ្រាវ ខេត្តសៀមរាប។ មូលហេតុដែលបណ្តាឱ្យជនរងគ្រោះត្រូវ រន្ទះបាញ់ស្លាប់នោះ គឺមកពីជនរងគ្រោះកំពុងឈរមើលត្រាក់ទ័រភ្ជួរស្រែនៅកណ្តាលវាលស្រែ របស់ខ្លួន ហើយក៏មានខ្យល់មួយមេ បក់បោកលាយឡំនឹងតំណក់ទឹកភ្លៀងតិចតួចផង រួចក៏មានរន្ទះបាញ់ មកចំជនរងគ្រោះតែម្ដង។ ក្រោយពេលកើតហេតុត្រូវបានសមត្ថកិច្ចចុះមកពិនិត្យ និងធ្វើកោសល្យវិច្ច័យ រួចធ្វើការប្រគល់សាកសពឱ្យសាច់ញាតិចាត់ចែងធ្វើបុណ្យតាមប្រពៃណី៕
ចែករំលែកព័តមាននេះ