ខេត្តកំពង់ចាម ៖ យុវជនម្នាក់ជិះម៉ូតូម៉ាកស្កូពីមួយគ្រឿងឌុបធុងហ្គាសធំមួយ បានស្លាប់ភ្លាមៗដោយសារតែ ជិះម៉ូតូដួលបោកក្បាលទៅនឹងថ្នល់ ហើយបានចូលក្រោមរថយន្តហាយឡែនឌ័រ។ ហេតុការណ៍នោះកើ តឡើងនៅវេលាម៉ោង១ និង០៥នាទីរសៀល ថ្ងៃទី០២…
ខេត្តកំពង់ចាម ៖ យុវជនម្នាក់ជិះម៉ូតូម៉ាកស្កូពីមួយគ្រឿងឌុបធុងហ្គាសធំមួយ បានស្លាប់ភ្លាមៗដោយសារតែ
ជិះម៉ូតូដួលបោកក្បាលទៅនឹងថ្នល់ ហើយបានចូលក្រោមរថយន្តហាយឡែនឌ័រ។ ហេតុការណ៍នោះកើ
តឡើងនៅវេលាម៉ោង១ និង០៥នាទីរសៀល ថ្ងៃទី០២ ឧសភា ២០១៨ ស្ថិតនៅភូមិតាមាង ឃុំកោះរកា
ស្រុកកំពង់សៀម វត្ថុតាងត្រូវបានសមត្ថកិច្ចនាំមករក្សាទុកបណ្តោះអាសន្ន នៅអធិការដ្ឋាននគរបាល
ស្រុកកំពង់សៀម ដើម្បីដោះស្រាយតាមច្បាប់។
នគរបាលចរាចរណ៍ស្រុកកំពង់សៀមបានឲ្យដឹងថា អ្នកដែលស្លាប់ជិះម៉ូតូនោះឈ្មោះ ចេន ហ្សង់ទីន ភេទប្រុស អាយុ១៦ឆ្នាំ រស់នៅភូមិកោះរកាក្រៅ ឃុំកោះរកា ស្រុកកំពង់សៀម ពេលដែលជិះម៉ូតូមិនបានពាក់មួកសុវត្ថិភាពនោះទេ ពេលដែលដួលនៅលើ ថ្នល់នោះ បណ្តាលឲ្យឈាមហូរស្រោចថ្នល់។ នគរបាលចរាចរណ៍ស្រុកកំពង់សៀមឲ្យដឹងទៀតថា មុនពេលកើតហេតុម៉ូតូនេះបានជិះក្នុងទិសដៅពីកើតមកលិច ដោយមានឌុបធុងហ្គាសមួយធំថែមទៀត ស្របពេលដែលជិះមកដល់ត្រង់ចំណុចកើតហេតុខាងលើ ស្រាប់តែដួលក៏បណ្តាលឲ្យចូលក្រោម រថយន្តហាយឡែនឌ័រពណ៌ស ពាក់ស្លាកលេខ ភ្នំពេញ 2AF-9185 បើកបរដោយឈ្មោះ សូ សុវណ្ណរ៉េត ភេទប្រុស អាយុ២៨ឆ្នាំ នៅភូមិទី៧ សង្កាត់កំពង់ធំ ក្រុងស្ទឹងសែន ខេត្តកំពង់ធំ ដែលបើកបរក្នុងទិសដៅច្រាសគ្នា។
មូលហេតុដែលបង្កឲ្យមានគ្រោះថ្នាក់ចរាចរណ៍ខាងលើនេះ ដោយសារតែអ្នកជិះម៉ូតូបានប្រើប្រាស់ល្បឿនលឿន ហើយថែមទាំងមិនពាក់មួកសុវត្ថិភាពទៀតផង។ ក្រោយកើតហេតុសមត្ថកិច្ចបានចុះទៅដល់ធ្វើការវាស់វែង និងបាននាំវត្ថុតាងមករក្សាទុកនៅអធិការដ្ឋាននគរបាលស្រុក រង់ចាំការដោះស្រាយតាមច្បាប់៕
ចែករំលែកព័តមាននេះ