ករណីបញ្ជល់មាន់… តើនរណាជាអ្នករាយការណ៍ដឹងមុន?
- កំពង់ចាម
ខេត្តកំពង់ចាម ៖ សង្វៀនបញ្ជល់មាន់មួយកន្លែងក្នុងចម្ការកៅស៊ូ នៅភូមិមាឃ៤ ឃុំព្រែកកក់ ស្រុកស្ទឹងត្រង់ បានត្រូវសមត្ថកិច្ចចុះបង្ក្រាប កាលពីរសៀលថ្ងៃទី២៨ មេសា កន្លងទៅ…
ខេត្តកំពង់ចាម ៖ សង្វៀនបញ្ជល់មាន់មួយកន្លែងក្នុងចម្ការកៅស៊ូ នៅភូមិមាឃ៤ ឃុំព្រែកកក់ ស្រុកស្ទឹងត្រង់ បានត្រូវសមត្ថកិច្ចចុះបង្ក្រាប កាលពីរសៀលថ្ងៃទី២៨ មេសា កន្លងទៅ ប៉ុន្តែក្រុមអ្នកបញ្ជល់មាន់ហាក់ដូចជាដឹងមុន បាននាំគ្នារើសង្វៀននិងជើងម៉ា ព្រមទាំងហាន់តោអាប៉ោង រត់គេចខ្លួនទៅក្នុងព្រៃអស់ បន្សល់ទុកតែទ្រុងដែកក្រុងមាន់១ និងសម្បកដបទឹកបរិសុទ្ធជាច្រើន ។
លោក ទុន ណេត អភិបាលស្រុកស្ទឹងត្រង់បានឱ្យដឹងថា ថ្មីៗនេះ ក្នុងកិច្ចប្រជុំនៅសាលាខេត្ត លោក
គួច ចំរើន អភិបាលខេត្ត បានដាក់ចេញនូវបទបញ្ជាមិនអនុញ្ញាតឱ្យមានល្បែងស៊ីសងដូចជាបញ្ជល់មាន់ អាប៉ោង រួមនឹងល្បែងស៊ីសងផ្សេងៗទៀតនោះទេ ។ បន្ទាប់ពីទទួលបាននូវបទបញ្ជានេះ រូបលោកក៏បានប្រជុំណែនាំដល់បណ្តាប៉ុស្តិ៍នគរបាលទាំងអស់ក្នុងស្រុក ឱ្យមានវិធានការទប់ស្កាត់មិនឱ្យមានល្បែងស៊ីសងនៅក្នុងមូលដ្ឋានរបស់ខ្លួន ព្រមទាំងបានដាក់ឱសានវាទយ៉ាងយូរត្រឹមថ្ងៃទី៣០ ខែមេសា ត្រូវបញ្ឈប់ឱ្យបាន១០០ភាគរយ ។
លោកអភិបាលស្រុកបន្តថា ចំពោះអ្នកបើកលេងល្បែងស៊ីសងកន្លងមកនោះ រូបលោកមិនបានជាប់ពាក់ព័ន្ធទេ យ៉ាងណាមិញដូចជានៅឃុំអារក្សត្នោត ដែលនៅទីនោះមានគេលេងបញ្ជល់មាន់ និងអាប៉ោងត្រូវបានបញ្ជាឱ្យបិទហើយ ។ ប្រសិនណាបើចាប់ពីក្រោយថ្ងៃទី៣០ ខែមេសាទៅ ក្នុងករណីមាននាយប៉ុស្តិ៍រូបណាត្រូវរ៉ូវជា មួយនឹងអ្នកលេងល្បែងទាំងនោះ ហើយរូបលោកដឹងច្បាស់គឺនាយប់ុស្តិ៍នោះនឹងដកចេញពីតំណែង ។ លោកវរសេនីយ៍ឯក ប៉ាក ជាតិ អធិការនគរបា លស្រុក ថ្លែងថា រូបលោកបានកោះហៅ នាយ
ប៉ុស្តិ៍ទាំង១២ឃុំមកកាន់អធិការដ្ឋានស្រុក ដោយធ្វើកិច្ចសន្យាថែមទៀតមិនអនុញ្ញាតឱ្យបើកលេង
ល្បែងស៊ីសងទេ ។
ទោះជាយ៉ាងណា លោកក៏ទំនងជាទទួលស្គាល់ថា អាចមានកូនចៅឃុបឃិតជាមួយក្រុមអ្នកលេងល្បែងដោយបន្លុយថាធ្វើម៉េចត្រីងៀតឆ្លៀតពង ។
ជាការពិត បើមិនមានការឃុបឃិតគ្នាទេ នោះសង្វៀនបញ្ជល់មាន់១កន្លែងនេះ ច្បាស់ជាត្រូវខ្ចប់មិនខាន តែពួកគេដឹងមុន ក៏គេចខ្លួនបាត់អស់ តើនរណាជាអ្នករាយការណ៍?
ចែករំលែកព័តមាននេះ