សារព័ត៌មាន«dpa» របស់អាល្លឺម៉ង់ផ្សាយថា អ្នកបុរាណវិទ្យាស្ម័គ្រចិត្ត២នាក់ ក្នុងនោះម្នាក់អាយុ១៣ឆ្នាំ ឈ្មោះរ៉េណេឆូអេន (Rene Schoen) បានប្រើឧបករណ៍ពិនិត្យលោហៈ និងជីករកឃើញកាក់មានអាយុជាង១.០០០ឆ្នាំជាលើកដំបូងនៅទីវាលមួយក្បែរភូមិឆាប្រូដេ នៅលើកោះ«Ruegen» ភាគខាងជើងប្រទេសអាល្លឺម៉ង់ជាប់មាត់សមុទ្របាល់ទិក កាលពីខែមករាកន្លងមក ។
ក្រោយពីរកឃើញពួកគេបង្ហាញដល់អង្គភាពបុរាណវិទ្យានៅរដ្ឋមេកលេនប៊ើក-វ៉ែសធើនរហូតតម្រូវឲ្យពួកគេដំណើរការជីករុករកលើក្រឡាផ្ទៃ៤០០ម៉ែត្រក្រឡា និងរកឃើញកំណប់ដោយជោគជ័យ កាលពីពេល ថ្មីៗកន្លងមក មានចិញ្ចៀន គជ់ និងខ្សែដៃ ។
អ្នកបុរាណវិទ្យាបញ្ជាក់ថាមានកាក់ប្រហែល១០០កាក់ អាចចាប់កកើតក្នុងយុគសម័យរាជវង្សហារ៉ាល់ ប៊្លូធូត (Harald Bluetooth) សតវត្សទី១០អំឡុងពីឆ្នាំ៩៥៨-៩៦៨ ៕
ចែករំលែកព័តមាននេះ