ខេត្តស្វាយរៀង ៖ មានហេតុការណ៍មួយបានបង្កការភ្ញាក់ផ្អើលទាំងព្រឹកព្រលឹមដោយសារករណីផ្ទុះហ្គាសដាំបាយទម្ងន់១០គីឡូឮសូរលាន់ដូចគ្រាប់ផ្លោងបណ្តាលឆេះរោងបាយខ្ទេច និងបានបង្កគ្រោះថ្នាក់ដល់មនុស្ស៥នាក់ឱ្យរងបួសធ្ងន់ និងស្រាល ។ ហេតុការណ៍នេះបានកើតឡើងនៅវេលាម៉ោង៦និង៣០នាទីព្រឹក ថ្ងៃទី៣០ ខែមេសា ឆ្នាំ២០១៨ ស្ថិតក្នុងនៅភូមិស្រែឬស្សី ឃុំអំពិល ស្រុករមាសហែក ខេត្តស្វាយរៀង ។
សមត្ថកិច្ចស្រុករមាសហែកបានឲ្យដឹងថា ករណីផ្ទុះហ្គាសបណ្តាលឲ្យឆេះរោងបាយ និងគ្រោះថ្នាក់មនុស្សចំនួន៥នាក់នេះគឺដោយសារម្ចាស់ផ្ទះបានចូលទៅផ្ទះបាយបើកហ្គាសដើម្បីដាំបាយពេលព្រឹកដូរសព្វដងតែមិនដឹងជាមានបញ្ហាអ្វីហ្គាសក៏ផ្ទុះឆេះតែម្តងទៅ ។
ក្នុងករណីនេះរថយន្តពន្លត់អគី្គភ័យអធិការដ្ឋាននគរបាលស្រុករមាសហែកបានទៅពន្លត់ទាន់ពេលវេលា ។ ដោយឡែកអ្នករងរបួសត្រូវបញ្ជូនមកព្យាលបាលនៅមន្ទីរពេទ្យបង្អែកស្រុករមាសហែក ៕
ចែករំលែកព័តមាននេះ