៥ថ្ងៃទៀតចូលរោងការ… មច្ចុរាជឥតមេត្តា ប្រហារកូនកំលោះលើផ្ទះកូនក្រមុំ
- ឧត្តរមានជ័យ
ខេត្តឧត្តរមានជ័យ ៖ យុវជនម្នាក់ឈ្មោះ ធួន ចាន់នី អាយុ១៩ឆ្នាំ រស់នៅភូមិចារ ឃុំអំពិល បានគាំងបេះដូងស្លាប់នៅនឹងផ្ទះគូដណ្តឹងរបស់ខ្លួន កាលពីវេលាម៉ោង0៦…
ខេត្តឧត្តរមានជ័យ ៖ យុវជនម្នាក់ឈ្មោះ ធួន ចាន់នី អាយុ១៩ឆ្នាំ រស់នៅភូមិចារ ឃុំអំពិល បានគាំងបេះដូងស្លាប់នៅនឹងផ្ទះគូដណ្តឹងរបស់ខ្លួន កាលពីវេលាម៉ោង0៦…
ខេត្តឧត្តរមានជ័យ ៖ យុវជនម្នាក់ឈ្មោះ ធួន ចាន់នី អាយុ១៩ឆ្នាំ រស់នៅភូមិចារ ឃុំអំពិល បានគាំងបេះដូងស្លាប់នៅនឹងផ្ទះគូដណ្តឹងរបស់ខ្លួន កាលពីវេលាម៉ោង0៦ និង៣០នាទីល្ងាចថ្ងៃទី២៦ មេសា នៅក្នុងភូមិពង ទឹក ឃុំអំពិល ស្រុកបន្ទាយអំពិល ។
លោក កែវ ហាក់ អាយុ៥៥ឆ្នាំ ជាឪពុកកូនស្រីដែលជាគូដណ្តឹងរៀបរាប់ថា មុនពេលកើតហេតុ កូនប្រុស- ស្រីដែលនឹងក្លាយជាកូនកំលោះកូនក្រមុំនោះ បានដើរចែកសំបុត្រអញ្ជើញភ្ញៀវមកចូលរួមពិធីមង្គលការដែលនឹងប្រារព្ធធ្វើនៅ៥ថ្ងៃខាងមុខ ។ ខណៈត្រឡប់មកពីចែកសំបុត្រការវិញ អនាគតកូនប្រសាប្រុសនេះមិនបានត្រឡប់ទៅផ្ទះរបស់ខ្លួនទេ គឺដេកនៅនឹងផ្ទះគាត់ ស្រាប់តែមានជំងឺគាំងបេះដូងស្លាប់តែម្តង ធ្វើឱ្យកូនស្រីគាត់ក្លាយជាស្ត្រីមេម៉ាយខាន់ស្លាតែមួយប៉ប្រិចភ្នែក ។
លោកវរសេនីយ៍ឯក ហម ភិរម្យ អធិការនគរបាលស្រុកបន្ទាយអំពិលបានឱ្យដឹងថា បន្ទាប់ពីបានទទួលព័ត៌មានខាងលើ លោកបានដឹកនាំមន្ត្រីជំនាញសហការជាមួយគ្រូពេទ្យ ចុះទៅត្រួតពិនិត្យនិងធ្វើកោសល្យ វិច័យបង្ហាញថា ជនរងគ្រោះពុំមានស្លាកស្នាមអ្វីគួរឲ្យសង្ស័យនោះទេ ។
យោងតាមការសនិដ្ឋានរបស់មន្ត្រីជំនាញនិងគ្រូពេទ្យ គឺជនរងគ្រោះពិតជាគាំងបេះដូងស្លាប់ដោយសារតែមិនបានជួយសង្គ្រោះទាន់ពេល ។ ពិតជាស្មានមិនដល់នោះឡើយ ដែលអនាគតកូនកំលោះរូបនេះបែរជាស្លាប់ដោយការគាំងបេះដូងមុនថ្ងៃចូលរោងការ ៕
ចែករំលែកព័តមាននេះ