រាជធានីភ្នំពេញ ៖ តាមសេចក្តីរាយការណ៍បឋមបានឲ្យដឹងថា មានករណីគ្រោះថ្នាក់ចរាចរណ៍មួយបានកើតឡើងនៅវេលាម៉ោង១១និង៣០នាទីថ្ងៃត្រង់ទី៣០ ខែមេសានេះ នៅតាមផ្លូវភ្នំពេញហានូយ សង្កាត់មួយ ខណ្ឌសែនសុខ ។ ករណីចរាចរណ៍ខាងលើបានកើតឡើងដោយសារតែម៉ូតូបុកគ្នាជាមួយរថយន្តហាយលែនឌឺមួយគ្រឿង…
រាជធានីភ្នំពេញ ៖ តាមសេចក្តីរាយការណ៍បឋមបានឲ្យដឹងថា មានករណីគ្រោះថ្នាក់ចរាចរណ៍មួយបានកើតឡើងនៅវេលាម៉ោង១១និង៣០នាទីថ្ងៃត្រង់ទី៣០ ខែមេសានេះ នៅតាមផ្លូវភ្នំពេញហានូយ សង្កាត់មួយ ខណ្ឌសែនសុខ ។
ករណីចរាចរណ៍ខាងលើបានកើតឡើងដោយសារតែម៉ូតូបុកគ្នាជាមួយរថយន្តហាយលែនឌឺមួយគ្រឿង ខណៈនោះក៏ស្រាប់តែមានរថយន្តក្រឡុកស៊ីម៉ង់ត៍មួយគ្រឿងទៀតបានប៉ះគ្នាបន្ត ហើយរថយន្តក្រឡុកស៊ីម៉ង់ត៍មួយជ្រុលឡើងសួនច្បារខណ្ឌចែកផ្លូវ កិនបាក់បង្កោលភ្លើង រីឯបង្កោលភ្លើងនោះបានវាត់ប៉ះរថយន្តបាឡែនមួយគ្រឿងទៀតខ្ទេចកញ្ចក់ខាងក្រោយ ។
ចំណែករថយន្តហាយលែនឌឺនោះ ពណ៌ស មានស្លាកលេខភ្នំពេញ ២AG-៦៦៦១ រីម៉ូតូវិញមានស្លាកលេខ២Sl-៤៩៦៨ ឯរថយន្តកាមរី ពណ៌ស ស្លាកលេខភ្នំពេញ២AB- ៩១៩០ ។ ចំណែករថយន្តក្រឡុកស៊ីម៉ង់ត៍វិញជារបស់ក្រុមហ៊ុនមួយ ។
មុនពេលកើតហេតុរថយន្តហាយឡែនឌឺធ្វើដំណើរផ្លូវភ្នំពេញហានូយពីត្បូងទៅជើង ហើយបត់ទៅអាកាសខ្ញុំ ស្រាប់តែម៉ូតូមួយគ្រឿងមកបុកចំកង់មុខខាងស្តាំំតែម្តង ខណៈនោះក៏មានរថយន្តក្រឡុកស៊ីម៉ង់ត៍ធ្វើដំណើរពីជើងមកត្បូងជាប់ម៉ូតូនោះក៏បានគេចគ្នា ហើយក៏ប៉ះរថយន្តហាយឡែនឌឺក៏បានជ្រុលឡើងក្បាលរបាំងថ្ម រួចបានបុកបង្កោលភ្លើងក៏បានបាក់តែម្តង ។
ចំណែករថយន្តក្រឡុកស៊ីម៉ង់ត៍វិញបានបុកបង្កោលភ្លើងក៏ឡើងលើសួនច្បារកិនបាក់បង្កោលភ្លើងសម្រាប់បំភ្លឺផ្លូវនោះ ហើយបង្កោលនោះក៏បានវាត់ត្រូវកញ្ចក់រថយន្តកាមរីខាងលើដែលធ្វើដំណើរ ពីត្បូងមកជើង ។
បញ្ជាក់ ៖ នៅក្នុងគ្រោះថ្នាក់នោះបណ្តាលឲ្យអ្នកបើកម៉ូតូរបូសស្រាល ហើយរថយន្តខូចខាត់រៀ ងៗខ្លួន ៕
ចែករំលែកព័តមាននេះ