រដ្ឋកាលីហ្វ័រនីញ៉ា ៖ កាលពីថ្ងៃសុក្រ នៅទីក្រុង Los Angeles មន្ត្រីការទូតថ្នាក់ខ្ពស់ម្នាក់របស់ប្រទេសចិន បាននិយាយថា សហរដ្ឋអាមេរិកអាចនឹងចូលរួមក្នុងគំនិតផ្តួចផ្តើមខ្សែក្រវាត់ និងវិថីរបស់ប្រទេសចិន…
រដ្ឋកាលីហ្វ័រនីញ៉ា ៖ កាលពីថ្ងៃសុក្រ នៅទីក្រុង Los Angeles មន្ត្រីការទូតថ្នាក់ខ្ពស់ម្នាក់របស់ប្រទេសចិន បាននិយាយថា សហរដ្ឋអាមេរិកអាចនឹងចូលរួមក្នុងគំនិតផ្តួចផ្តើមខ្សែក្រវាត់ និងវិថីរបស់ប្រទេសចិន នៅរដ្ឋកាលីហ្វ័រនីញ៉ា ។
លោក Zhang Ping អគ្គកុងស៊ុលចិនប្រចាំទីក្រុង Los Angeles បាននិយាយក្នុងវេទិកាខ្សែក្រវាត់ និងវិថីថា ៖« រដ្ឋកាលីហ្វ័រនីញ៉ាបានរក្សាទំនាក់ទំនងសេដ្ឋកិច្ច ពាណិជ្ជកម្ម និងការផ្លាស់ប្តូររវាងមនុស្ស និងមនុស្សបានយ៉ាងជិតដិតជាមួយប្រទេសចិន » ។
លោកបន្តថា ៖« កិច្ចសហប្រតិបត្តិការក្រោមក្របខ័ណ្ឌគំនិតផ្តួចផ្តើមខ្សែក្រវាត់ និងវិថីនេះ អាចនឹងចាប់ផ្តើមជាមួយរដ្ឋកាលីហ្វ័រនីញ៉ា » ។
គួរបញ្ជាក់ថា គំនិតផ្តួចផ្តើមនេះ គឺជាផែនការមួយរបស់ប្រទេសចិន ដែលមានគោលដៅជំរុញដល់ការអភិវឌ្ឍសេដ្ឋកិច្ចពិភពលោក និងគាំទ្រសាជាថ្មីលើលំហូរធនធាន ផលិតផល និងសេវាកម្ម ដោយជំរុញការតភ្ជាប់ជាអន្តរជាតិ និងបង្កើតទំនាក់ទំនងថ្មីរវាងសហគមន៍ ។
រដ្ឋកាលីហ្វ័រនីញ៉ាបាននាំមុខគេក្នុងការប្រឆាំងនឹងបញ្ហាបម្រែបម្រួលបរិយាកាសនៅសហរដ្ឋអាមេរិក ។ រដ្ឋនេះមានរបៀបវារៈជាច្រើនទាក់ទងនឹងការកាត់បន្ថយឧស្ម័នផ្ទះកញ្ចក់ និងអភិវឌ្ឍន៍ថាមពលប្រើប្រាស់ប្រភពបៃតងផងដែរ ។
ដើម្បីសម្រេចបាននូវគោលដៅនេះ អភិបាលរដ្ឋកាលីហ្វ័រនីញ៉ា លោក Jerry Brown បាននិយាយថា រដ្ឋនេះត្រូវការចាប់ដៃគូជិតដិតជាមួយប្រទេសចិន ។
លោក Zhang បានបន្ថែមទៀតថា ៖«គំនិតផ្តួចផ្តើមខ្សែក្រវាត់ និងវិថី អាចផ្តល់ឱកាសសំខាន់ៗសម្រាប់ប្រទេសទាំងអស់នៅក្នុងតំបន់ រួមទាំងសហរដ្ឋអាមេរិកផងដែរ » ៕
ចែករំលែកព័តមាននេះ