ខេត្តកំពង់ចាម ៖ ពុទ្ធសាសនិកជាច្រើនពិតជាមានទឹកមុខស្រស់ស្រាយដោយបាននាំគ្នារាប់បាត និងប្រគេនដល់ព្រះសង្ឃជិត២០០អង្គដែលបានគោចរបិណ្ឌបាតនៅតាមផ្លូវនានាក្នុងក្រុងកំពង់ចាម នាព្រឹកថ្ងៃទី២៩ ខែមេសា ឆ្នាំ២០១៨ ត្រូវនឹងថ្ងៃវិសេសវិសាខបូជា កាលពីម្សិលមិញនេះ ។…
ខេត្តកំពង់ចាម ៖ ពុទ្ធសាសនិកជាច្រើនពិតជាមានទឹកមុខស្រស់ស្រាយដោយបាននាំគ្នារាប់បាត និងប្រគេនដល់ព្រះសង្ឃជិត២០០អង្គដែលបានគោចរបិណ្ឌបាតនៅតាមផ្លូវនានាក្នុងក្រុងកំពង់ចាម នាព្រឹកថ្ងៃទី២៩ ខែមេសា ឆ្នាំ២០១៨ ត្រូវនឹងថ្ងៃវិសេសវិសាខបូជា កាលពីម្សិលមិញនេះ ។ ដែលជារាងរាល់ថ្ងៃត្រូវបានប្រធានមន្ទីរធម្មការ និងសាសនាខេត្ត និងក្រោមការចង្អុលបង្ហាញពីលោកអភិបាលខេត្ត ដោយបានប្រារព្វធ្វើឡើងរាល់ឆ្នាំ ។
អ្នកស្រី សំ ចាន់ឌី មេភូមិបឹងកុកទី២បានប្រាប់ឲ្យដឹងថា ប្រជាពលរដ្ឋនៅក្នុងភូមិរបស់គាត់មានក្មេង ចាស់ ប្រុស ស្រី ពិតជាបានស្រុះស្រួលគំនិតគ្នា ដោយនៅតាមមុខផ្ទះនីមួយៗបានរៀបចំចង្ហាន់សម្រាប់ប្រគេនដល់ព្រះសង្ឃដែលគង់នៅវត្តបឹងកុក និមន្តចេញបិណ្ឌបាតក្នុងវិសាខបូជា និមន្តកាត់តាមផ្លូវថ្នល់ចេញពីកន្លែងមួយទៅកន្លែងមួយ ។ ជាមួយនោះគាត់ក៏បាននាំយកនូវចង្ហាន់ដោយបានរួមសហការជាមួយនឹងពលរដ្ឋនាំគ្នាប្រគេនទឹកអំពៅ នំនេក ព្រមទាំងថវិការមួយចំនួនតាមការកត់សំគាល់ឃើញថាពលរដ្ឋជាច្រើនគឺមានជំនឿលើព្រះពុទ្ធសាសនា ។
ចៅអធិការវត្តជោតនារាមបឹងកុកមានថេរដីកាបន្តថា ហើយថ្ងៃនេះជាថ្ងៃមហាអស្ចារ្យ និងជាថ្ងៃមហាសុភមង្គលដោយបានផ្តល់នូវសេចក្តីសុខសាន្តផងដែរ ។ ហើយនៅក្នុងឆ្នាំ១៩៩៩ បុណ្យវិសាខបូជានេះបានដាក់បញ្ចូលជាបុណ្យអន្តរជាតិ (វិសាខ UN ) ដោយអត្ថន័យគឺបានទាក់ទងទៅនឹងសង្គមនុស្ស ដោយប្រទេសកម្ពុជាក៏បានលើកតម្កើននូវព្រះពុទ្ធសាសានា ហើយយោងតាមរដ្ឋធម្មនុញ្ញត្រង់មាត្រាទី៤៣ចែងថា ព្រះពុទ្ធសាសនាជាសាសនារបស់រដ្ឋ ហើយចាជាបាវវចនាថា «ជាតិ សាសនា ព្រះមហាក្ស» ។
ជាមួយនោះជារាល់ឆ្នាំព្រះអង្គតែងតែនិមន្តជាមួយនឹងព្រះសង្ឃដែលគង់នៅវត្តបឹងកុក និងវត្តផ្សេងៗទៀតក្នុងកម្មវិធីបុណ្យធំវិសាខបូជា ដោយមានភាពអធិកអធម៌ និងពុទ្ធសាសនិកចូលរួមច្រើនកុះករដើម្បីដាក់ចង្ហាន់ផងដែរ ៕
ចែករំលែកព័តមាននេះ