ខេត្តព្រៃវែង ៖ ករណីគ្រោះថ្នាក់ចរាចរមួយបានធ្វើឱ្យបុរសម្នាក់បានស្លាប់ភ្លាមៗនៅនឹងកន្លែង បន្ទាប់ពីរូបគេបានជិះម៉ូតូរេចង្កូតទៅបុករថយន្តមួយគ្រឿងទៀត ដែលកំពុងធ្វើដំណើរបញ្ចាសទិសគ្នាពេញទំហឹង ។ ហេតុការណ៍នេះបានកើតឡើងកាលពីវេលាម៉ោង០១រសៀល ថ្ងៃទី២៩ ខែមេសា ឆ្នាំ២០១៨…
ខេត្តព្រៃវែង ៖ ករណីគ្រោះថ្នាក់ចរាចរមួយបានធ្វើឱ្យបុរសម្នាក់បានស្លាប់ភ្លាមៗនៅនឹងកន្លែង បន្ទាប់ពីរូបគេបានជិះម៉ូតូរេចង្កូតទៅបុករថយន្តមួយគ្រឿងទៀត ដែលកំពុងធ្វើដំណើរបញ្ចាសទិសគ្នាពេញទំហឹង ។ ហេតុការណ៍នេះបានកើតឡើងកាលពីវេលាម៉ោង០១រសៀល ថ្ងៃទី២៩ ខែមេសា ឆ្នាំ២០១៨ លើផ្លូវជាតិលេខ៨ ចន្លោះគីឡូម៉ែត្រលេខ ៥២–៥៣ ស្ថិតក្នុងភូមិវៃវេទ ឃុំរាប ស្រុកពារាំង ខេត្តព្រៃវែង ។
បើតតាមរបាយការណ៍របស់សមត្ថកិច្ចបានឱ្យដឹងថា ជនរគ្រោះដែលបានស្លាប់នៅក្នុងករណីគ្រោះថ្នាក់ចរាចរនេះមានឈ្មោះ គង់ គុណ ភេទប្រុស អាយុ៣៨ឆ្នាំ នៅភូមិព្រៃអំពៅ ឃុំព្រៃទទឹង ស្រុកមេសាង ខេត្តព្រៃវែង ។ ប្រភពបានបន្តថា នៅមុនពេលកើតហេតុ គេឃើញជនរគ្រោះខាងលើបានជិះម៉ូតូ១គ្រឿងម៉ាក C១២៥ ពណ៌ខ្មៅ ពាក់ផ្លាកលេខ ភ្នំពេញ ១CP-៩៤៥៦ ធ្វើដំណើពីលិចមកកើត ។ លុះមកដល់ចំណុចកើតហេតុ ម៉ូតូបានប្តូរគន្លងផ្លូវជ្រុលចង្កូតទៅបុកជាមួយរថយន្ត១គ្រឿងម៉ាកលិចស៊ីស ពណ៌ខ្មៅ ពាក់ផ្លាកលេខ ភ្នំពេញ ២F-៩១៩១ បើកបរដោយម្ចាស់មិនស្គាល់អត្តសញ្ញាណ ដែលកំពុងធ្វើដំណើរបញ្ច្រាសទិសគ្នា បណ្ដាលឲ្យអ្នកបើកបរម៉ូតូស្លាប់នៅកន្លែងកើតហេតុ ។
ក្រោយពេលកើតហេតុ អ្នកបើកបររថយន្តបានរត់គេចខ្លួនបាត់ស្រមោល បន្សល់ទុកតែរថយន្តនៅទីតាំងកើតហេតុ ។ ភ្លាមៗសមត្ថកិច្ចបានចុះទៅដល់ទីតាំងកើតហេតុ រួចធ្វើការវាស់វែង និងប្រមូលយកវត្ថុតាងទាំងអស់រក្សាទុកនៅអធិការដ្ឋាននគបាលស្រុក ដើម្បីបំពេញសំណុំរឿងតាមនីតិវិធី ដោយឡែកសាកសពបានប្រគល់ជូនក្រុមគ្រួសារយកទៅធ្វើបុណ្យតាមប្រពៃណី ៕
ចែករំលែកព័តមាននេះ