ខេត្តបន្ទាយមានជ័យ ៖ សេចក្តីរាយការណ៍បឋមឱ្យដឹងថា ភ្លៀងធ្លាក់តាំងពី៤ទៀបភ្លឺ មកទល់ម៉ោងជិត១០ព្រឹកថ្ងៃទី២៨ មេសា នេះ បង្កទៅជាជំនន់ទឹកភ្លៀងបណ្តាលឱ្យផ្លូវមួយចំនួននៅក្រុងប៉ោយប៉ែត រងការជន់លិច ។…
ខេត្តបន្ទាយមានជ័យ ៖ សេចក្តីរាយការណ៍បឋមឱ្យដឹងថា ភ្លៀងធ្លាក់តាំងពី៤ទៀបភ្លឺ មកទល់ម៉ោងជិត១០ព្រឹកថ្ងៃទី២៨ មេសា នេះ បង្កទៅជាជំនន់ទឹកភ្លៀងបណ្តាលឱ្យផ្លូវមួយចំនួននៅក្រុងប៉ោយប៉ែត រងការជន់លិច ។
សេចក្តីរាយការណ៍បន្តថា ភ្លៀងធ្លាក់លាយឡំដោយខ្យល់បោកបក់ផងដែរ ។ ដងផ្លូវជាតិត្រង់ចំណុចរង្វង់មូល ក៏ដូចជាបរិវេណការិយាល័យគយ និងរដ្ឋាករ និងតាមផ្លូវបេតុងមួយចំនួន សាសារៀន ចំណតរថយន្តតូច-ធំ ត្រូវរងការជន់លិច ។
ប៉ុន្តែទោះបីជាយ៉ាងណា លោកសាន ស៊ានហូ អភិបាលក្រុងប៉ោយប៉ែត បានប្រាប់កោះសន្តិភាពតាមទូរស័ព្ទថា ពុំមានរបាយការណ៍ថាមានគ្រោះថ្នាក់ធម្មជាតិទៅលើប្រជាពលរដ្ឋនោះទេ ។ លោកបន្តថា ពេលនេះលោកកំពុងចុះពិនិត្យមើលទីតាំងរងការជន់លិច ហើយបានណែនាំដល់ចៅសង្កាត់ប៉ោយប៉ែត ឱ្យយកគ្រឿងចក្រចុះកាយរំដោះទឹកចំណុចណា ដែលមានជំនន់ទឹកភ្លៀងខ្លាំង ។
ចែករំលែកព័តមាននេះ