រថយន្ត​ដឹក​ស្វាយ​បុក​រថយន្ត​ដឹក​ត្រីប្រឡាក់ ប៉ះ​ជើង​លើ​ថ្នល់ជាតិ


ខេត្តកំពង់ឆ្នាំង ៖ រថយន្ត​ហ៊ី​យ៉ា​ន់​ដាយ​ដឹក​ត្រីប្រឡាក់​មួយ​គ្រឿង​បាន​ក្រឡាប់​បះជើង នៅ​កណ្ដាល​ថ្នល់​បន្ទាប់​ពី​ត្រូវ​រថយន្ត​១​គ្រឿង​ទៀត​បុក​ពីក្រោយ​ពេញទំហឹង​។ ហេតុការណ៍​នេះ​បាន​កើតឡើង​នៅ​វេលា​ម៉ោង​៤ និង​១៥​នាទី​ព្រឹក ថ្ងៃ​ទី​២៧ ខែមេសា ឆ្នាំ​២០១៨ នៅ​ចំណុច​មុខ​វត្ត​ខ្សា​ម​ក្រុង ភូមិ​២ សង្កាត់​ខ្សា​ម ក្រុង​កំពង់ឆ្នាំង​។ សមត្ថកិច្ច​នគរបាល​បាន​ឲ្យ​ដឹង​ថា មុន​ពេល​កើតហេតុ​មាន​រថយន្ត​ម៉ាក​ហ៊ី​យ៉ា​ន់​ដាយ​មួយ​គ្រឿង​ពាក់​ស្លាក​លេខ ពោធិ៍សាត់ 3A-4469 បើកបរ​ដោយ​បុរស ឈ្មោះ ហ៊ុយ ចាន់​នី អាយុ​៣៧​ឆ្នាំ មាន​ទីលំនៅ​ភូមិ​សំរោង ឃុំ​ក្បាល​ត្រាច ស្រុក​ក្រគរ ខេត្តពោធិ៍សាត់ បាន​បើក​ដល់​ចំណុច​កើតហេតុ​ក៏​បាន​ឈប់​រថយន្ត​ចុះ​ទៅ​បត់ជើង​។

ភ្លាម​នោះ​ក៏​មាន​រថយន្ត​មួយ​គ្រឿង​ទៀត​ម៉ាក​ហ៊ី​យ៉ា​ន់​ដាយ​ពណ៌​ស ពាក់​ស្លាក​លេខ កំពង់ចាម 3A-1825 បើកបរ​ដោយ​បុរស​ឈ្មោះ ផា​ន រឿ​ន ភេទ​ប្រុស អាយុ​៣២​ឆ្នាំ មាន​ទីលំនៅ​ភូមិ​អូរ​រូង ឃុំ​ក្រ​វ៉ា​ញ ស្រុក​បារាយណ៍ ខេត្តកំពង់ធំ បាន​បើក​មក​ពីក្រោយ​បុក​ពេញទំហឹង បណ្ដាល​ឲ្យ​រថយន្ត​ឈប់​ស្ងៀម ក្រឡាប់​បះជើង​តែ​ម្ដង សំណាងល្អ​មិន​មាន​នរណា​ម្នាក់​បាន​រងគ្រោះថ្នាក់​ក្នុង​ហេតុការណ៍​នោះ​ទេ​។ ក្រោយ​កើតហេតុ​គេ​ឃើញ​ត្រីប្រឡាក់​ជា​ច្រើន​បាន​ធ្លាក់​ពេញ​លើ​ថ្នល់ជាតិ ហើយ​ត្រូវ​បាន​ម្ចាស់ យក​រថយន្ត​មក​សាង​ត្រី ដើម្បី​ដឹក​បន្ត​ទៅ​មុខ​ទៀត​។

 ប្រភព​ដដែល​បាន​ឲ្យ​ដឹង​ថា ភាគី​ទាំង​សងខាង​ធ្វើការ​សម្របសម្រួល​គ្នា ដោយ​ភាគី​រង​គ្រោះ​ទារ​សំណង​ចំនួន​៥​ពាន់​ដុល្លារ ដើម្បី​បញ្ចប់រឿង ប៉ុន្តែ​ភាគី​បង្ក​សុំ​ត្រឹម​២​ដុល្លារ តែ​មិន​ត្រូវរ៉ូវ​គ្នា​ទើប​សមត្ថកិច្ច ស្ទូច​យក​រថយន្ត​ទាំង​២ គ្រឿង​មក​រក្សា​ទុក​នៅ​អធិការ​នគរបាល​ក្រុង​ដើម្បី​រង​ចាំ​ចាត់ការ​តាម​ផ្លូវច្បាប់​៕

ចរាចរណ៍

អត្រាប្តូរប្រាក់

អត្រាប្តូរប្រាក់ផ្សេងទៀត

Sponsored News

០២:១៨ | ក្នុងស្រុក

ធនាគារ អេ​ស៊ី​លី​ដា បរិច្ចាគ​ថវិកា ៣០០០ លាន​រៀល ដើម្បី​រួមចំណែក​ជាមួយ​រាជរដ្ឋាភិបាល​កម្ពុជា ក្នុង​សកម្ម​ភាព​មនុស្សធម៌ និង​ការ​ទប់ស្កាត់​ការ​រីក​រាល​ដាល​ជំងឺ​កូ​វី​ដ​១៩

០២:០២ | ក្នុងស្រុក

JICA ចុះ​កិច្ចព្រមព្រៀង​លើ​ប្រាក់​កម្ចី ៥០​លាន​ដុល្លារ​អា​មេ​រិ​ក​ជាមួយ​ហត្ថា​កសិករ លីមីត​ធី​ត ដើម្បី​គាំទ្រ​សហ​គ្រាស​​​ខ្នាត​តូច​បំផុត ខ្នាត​តូច និង​មធ្យម​​​នៅ​កម្ពុជា

០៩:៤៥ | ក្នុងស្រុក

Metfone គាំទ្រ​ការ​សិក្សា​តាម​បណ្តាញ​​អន​ឡាញ​ដោយ​ផ្តល់​សេវា​អ៊ី​ន​ធើ​រ​​ណេ​ត​ដោយ​ឥត​គិតថ្លៃ និង​ការ​សិក្សា​​តាម​អ៊ី​ន​ធើ​រ​ណេ​ត​ផត​ថ​ល​ក្នុង​កំឡុង​​វីរុស Covid-19 កំពុង​រាតត្បាត​ខ្លាំង

ការស្ទង់មតិគេហទំព័រថ្មី




សូម​អរគុណ