លោកត្រាំ ចាត់ទុកលោកគីម ជុងអ៊ុន ថា គួរឱ្យ…
សហរដ្ឋអាមេរិក-ប្រទេសកូរ៉េខាងជើង ៖ ប្រធានាធិបតីអាមេរិក លោកដូណាល់ ត្រាំ កាលពីថ្ងៃទី២៤ មេសា ចាត់ទុកមេដឹកនាំកូរ៉េខាងជើង លោកគីម ជុងអ៊ុន…
សហរដ្ឋអាមេរិក-ប្រទេសកូរ៉េខាងជើង ៖ ប្រធានាធិបតីអាមេរិក លោកដូណាល់ ត្រាំ កាលពីថ្ងៃទី២៤ មេសា ចាត់ទុកមេដឹកនាំកូរ៉េខាងជើង លោកគីម ជុងអ៊ុន ថាជាមនុស្សគួរឱ្យគោរពបំផុត ។
ពេលជួបគ្នាយ៉ាងយូរជាមួយប្រធានាធិបតីបារាំង លោក EMMANUEL MACRON ដែលទៅបំពេញទស្សនកិច្ចផ្លូវរដ្ឋនៅសហរដ្ឋអាមេរិក លោកត្រាំ ថ្លែងថា មេដឹកនាំកូរ៉េខាង
ជើងជាមនុស្សបើកចំហបំផុត រួចបើតាមការយល់ឃើញរបស់ខ្ញុំជាមនុស្សគួរឱ្យគោរពបំផុតទៀតផង ។ យើងបានជូនដំណឹងដោយផ្ទាល់ថា យើងចង់រៀបចំការជួបគ្នាកំពូលឱ្យបានឆាប់បំផុត ។ យើងគិតថា នេះជារឿងល្អបំផុតមួយសម្រាប់ពិភពលោក ។
ទោះបីយ៉ាងណា ប្រធានាធិបតីអាមេរិកគូសបញ្ជាក់ជាថ្មីថា លោកនឹងមិនរារែកឡើយ កាត់ផ្តាច់ការចរចា ប្រសិនបើការចរចានេះពុំទទួលបានផ្លែផ្កា ។ លោកអះអាងថា ផ្ទុយពីប្រធានាធិបតីមុនៗ ខ្ញុំនឹងចាកចេញពីតុចរចា ក៏ប៉ុន្តែខ្ញុំយល់ថា យើងមានឱកាសធ្វើរឿងមួយដែលពិសេសបំផុត ។
ប្រធានាធិបតីកូរ៉េខាងត្បូង លោក MOON JAE IN នឹងជួបជាមួយលោកគីម ជុងអ៊ុន នាថ្ងៃទី២៧ មេសា ចំណែកលោកត្រាំ គូសបញ្ជាក់ថា ការជួបគ្នារបស់លោកជាមួយលោកគីម ជុងអ៊ុន អាចធ្វើនៅខែឧសភា ឬដើមខែមិថុនា ៕
ចែករំលែកព័តមាននេះ