ខេត្តក្រចេះ ៖ យុវជនម្នាក់បានរងការសម្លាប់ ដោយមួលបំបាក់.ក ដែលករណីនេះត្រូវបាននគរបាលព្រហ្មទណ្ឌស្រុកសំបូរកំណត់ថា ជាអំពើឃាតកម្ម ដែលផ្តើមចេញពីមនុស្សស្គាល់គ្នា ។ ទោះជាយ៉ាងណា អំពើសម្លាប់មួលបំបាក់កនេះ…
ខេត្តក្រចេះ ៖ យុវជនម្នាក់បានរងការសម្លាប់ ដោយមួលបំបាក់.ក ដែលករណីនេះត្រូវបាននគរបាលព្រហ្មទណ្ឌស្រុកសំបូរកំណត់ថា ជាអំពើឃាតកម្ម ដែលផ្តើមចេញពីមនុស្សស្គាល់គ្នា ។ ទោះជាយ៉ាងណា អំពើសម្លាប់មួលបំបាក់កនេះ នគរបាលនៅមិនទាន់បានកំណត់ច្បាស់លាស់ពីមូលហេតុនៅឡើយទេ ។
បុរសរងគ្រោះត្រូវបានគេស្គាល់ថាឈ្មោះ ខឿន កក្កដា អាយុ២៦ឆ្នាំ ស្នាក់នៅផ្ទះក្នុងចម្ការម្នាក់ឯង មានទីតាំងនៅឃុំកំពង់ចាម ស្រុកសំបូរ និងត្រូវបានជនដៃដល់មួលបំបាក់.ក បណ្តាលឲ្យស្លាប់នៅនឹងផ្ទះ ក្រោយរយៈពេល១ថ្ងៃទើបមានការភ្ញាក់ផ្អើល ។
អធិការរងទទួលបន្ទុកព្រហ្មទណ្ឌស្រុកសំបូរ លោកវរសេនីយ៍ត្រី នួន សារិន បានបញ្ជាក់ថា នគរបាលជំនាញព្រហ្មទណ្ឌស្រុកសំបូរ នៅថ្ងៃទី២៥ មេសានេះបានចុះទៅពិនិត្យនៅទីតាំងកើតហេតុ ក៏ដូចជាសាកសពរបស់ជនរងគ្រោះ ក្រោយពីទទួលបានព័ត៌មានភ្លាមៗ ។
បើតាមលោកអធិការរងស្រុកបានបញ្ជាក់ថា ការសម្លាប់នេះនៅមិនទាន់បានកំណត់ឲ្យច្បាស់ថា អាចផ្តើមចេញពីរឿងគំនុំឬយ៉ាងណានៅឡើយទេ ។ ដោយគ្រាន់តែកំណត់ថា ជនរងគ្រោះនិងជនដៃដល់អាចជាមនុស្សស្គាល់គ្នា ទើបឈានដល់ការសម្លាប់បំបិទមាត់បែបនេះ ។
បើតាមលោក នួន សារិន បានអះអាងថា ក្រោយការចុះពិនិត្យ ជនដៃដល់ត្រូវបាននគរបាលកំណត់អត្តសញ្ញាណជនដៃដល់ និងកំពុងតាមប្រមាញ់ហើយ ៕
ចែករំលែកព័តមាននេះ