ខេត្តបន្ទាយមានជ័យ ៖ បញ្ចប់ថ្ងៃបុណ្យចូលឆ្នាំថ្មីប្រពៃណីជាតិ បានធ្វើពិធីស្រង់ព្រះ ហើយលោកស្នងការនគរបាលខេត្តបានជួយរថយន្តបាញ់ទឹក១គ្រឿងបាញ់ទឹកលេងកម្សាន្តនៅថ្ងៃទី២២ ខែមេសា ឆ្នាំ២០១៨ នៅវត្តកោះកេតអូរប្រាសាទភូមិ ឃុំអូរប្រាសាទ ស្រុកមង្គលបុរី…
ខេត្តបន្ទាយមានជ័យ ៖ បញ្ចប់ថ្ងៃបុណ្យចូលឆ្នាំថ្មីប្រពៃណីជាតិ បានធ្វើពិធីស្រង់ព្រះ ហើយលោកស្នងការនគរបាលខេត្តបានជួយរថយន្តបាញ់ទឹក១គ្រឿងបាញ់ទឹកលេងកម្សាន្តនៅថ្ងៃទី២២ ខែមេសា ឆ្នាំ២០១៨ នៅវត្តកោះកេតអូរប្រាសាទភូមិ ឃុំអូរប្រាសាទ ស្រុកមង្គលបុរី ។
នាឱកាសនោះមហាជនច្រើនកុះករបានចូលរួមពិធីស្រង់ព្រះតាមប្រពៃណី ។ ព្រះសង្ឃក្នុងវត្តបានរៀបកៅអីអង្គុយជាជួរ ហើយយកទឹក១គ្រួសារ ឬម្នាក់១ធុងដាក់នៅមុខព្រះសង្ឃឲ្យព្រះសង្ឃប្រោះព្រំទឹកមន្ត ។ ក្រៅពីនេះយកទឹកស្រង់ព្រះ រួចយកទឹកងូតជូន ចាស់ៗដែលជាគណៈកម្មការ និងអាចារ្យវត្ត និងយាយជីតាជី ។
កូនចៅខ្លះបានត្រឡប់ទៅផ្ទះយកទឹកមួយធុងម្នាក់ងូត ទឹកកក់សាប៊ូឱ្យយាយតា ឬឪពុកម្តាយហើយជូនសម្ងួតខ្លួនលាបម្សៅឲ្យពួកគាត់ និងទទួលពរជ័យពីពួកគាត់វិញ ។
ថ្ងៃបញ្ចប់បុណ្យចូលឆ្នាំថ្មីនៅវត្តកោះកេតអូរប្រាសាទ លោកឧត្តមសេនីយ៍ទោអាត់ ខែម ស្នងការនគរបាលខេត្តបន្ទាយមានជ័យ បានឲ្យរថយន្តទឹក១គ្រឿងបាញ់ទឹកអស់៤ស៊ីទែនបាញ់ទឹកឲ្យត្រជាក់ត្រជុំទៅលើអ្នករាំកម្សាន្ត និងលេងល្បែងជាប្រជាប្រិយយ៉ាងសប្បាយរីករាយ ៕
ចែករំលែកព័តមាននេះ