ខេត្តបន្ទាយមានជ័យ ៖ ប្រធានសាខាកាំកុងត្រូលខេត្តបន្ទាយមានជ័យថ្មី ក្រោយពេលទទួលភារកិច្ច ឃើញចុះអនុវត្ត នៅក្រុងប៉ោយប៉ែតលោកថា៖ ដើមខែឧសភា និងចុះផ្សាតាមព្រំដែនផ្សាធំៗមួយចំនួនទៀតបានប្រាប់នៅពេល ចុះពិនិត្យទំនិញកាលពីថ្ងៃទី២៤ ខែមេសា ឆ្នាំ២០១៨ ទីផ្សារក្រុងប៉ោយប៉ែត។ គួរំលឹកថា៖ ក្រោយពេលដែលប្រធានសាខា កាំកុងត្រូលខេត្តបន្ទាយមានជ័យ(ថ្មី) ចូលទទួលភារកិច្ចនៅខេត្តបន្ទាយមានជ័យ ដែលមានស្នាក់ការនៅច្រកទ្វារ អន្តរជាតិ ប៉ោយប៉ែត គឺឃើញធ្វើសកម្មភាពនៅតែច្រកទ្វារអន្តរជាតិប៉ោយប៉ែត និងតាមផ្សារក្នុងក្រុងប៉ោយប៉ែត។
តែមិនបានឃើញ ចុះពិនិត្យតាមទីផ្សារទូទាំងខេត្តបន្ទាយមានជ័យដូចកាលអាណិត្តប្រធានសាខាកាំកុងត្រូលខេត្តចាស់ដែលចុះជាប្រចាំព្រោះថា ទំនិញមិនមែននាំចូលតាមច្រកទ្វារអន្តរជាតិប៉ោយប៉ែតនេះទេ គឺឈ្មួញនាំចូលតាមច្រកតំបន់ព្រំដែនម៉ាឡៃ និងបឹងត្រកួន ហើយលួចនាំចូលតាមច្រករបៀងខុសច្បាប់រាល់យប់ជាច្រើនគួរចុះពិនិត្យតាមទីផ្សារគ្រប់កន្លែង ដើម្បីសុខមាលភាពបងប្អូនប្រជាពលរដ្ឋទើបប្រសើរ។ លោក សាន វិជ្ជាសារ៉វុធ ប្រធានសាខាកាំកុងត្រូលខេត្ត បន្ទាយមានជ័យបានប្រាប់ថា៖ ជំហានដំបូងគឺមន្ត្រីជំនាញសហការជាមួយមន្ត្រីស្ថាប័ន្ធពាក់ព័ន្ធ ត្រូវយកចិត្តទុក ដាក់ពិនិត្យឲ្យបានល្អិតល្អន់ទំនិញដែលឈ្មួញនាំចូលតាមច្រកទ្វារអន្តរជាតិប៉ោយប៉ែត និងតាមទីផ្សារ និងតាមភោជនីយដ្ឋាន តាមស្តង់ ម៉ាត ក្នុងក្រុងប៉ោយប៉ែត ដើម្បីរកទំនិញដែលខូចគុណភាព មានផុតការបរិច្ឆេទប្រើប្រាស់ និងមានសារធាតុគីមីលើចំណីអាហារមានត្រីសាច់។
លោកបានបញ្ជាក់ថា៖ នៅដើមខែឧសភា ឆ្នាំ២០១៨នេះ មន្ត្រីសាខាកាំកុងត្រូលខេត្ត និងចុះពិនិត្យទំនិញតាមទីផ្សាតាមជាយដែន មានឃុំអូរបីជាន់ ស្រុកអូរជ្រៅ និងផ្សារបឹងត្រកួន ស្រុកថ្មពួក ហើយបន្តពិនិត្យផ្សារក្នុងស្រុកមង្គលបូរី និងក្រុងសិរីសោភ័ណ ដើម្បីពិនិត្យទំនិញ និងផ្សព្វផ្សាយណែនាំដល់អាជីវករ និងប្រជាពលរដ្ឋឲ្យបានយល់ក្នុងការលក់ និងទិញទំនិញ ចំណីអាហារមិនប៉ះពាល់សុខភាព៕
ចែករំលែកព័តមាននេះ