ខេត្តបន្ទាយមានជ័យ ៖ ក្រោយបុណ្យចូលឆ្នាំថ្មីហើយគេឃើញពលករចំណាកស្រុកខុសច្បាប់សម្រុកចេញតាមច្រករបៀង ខុសច្បាប់ដែលកំពុងដេករង់ចាំរថយន្តមេខ្យល់ថៃមកទទួលយកទៅធ្វើការ។ សកម្មភាពនេះនៅថ្ងៃទី២៤ ខែមេសា ឆ្នាំ២០១៨ ស្ថិតច្រករបៀងខុសច្បាប់ដើមអម្ពិល ក្នុងភូមិសង្កែ ឃុំបឹងបេង…
ខេត្តបន្ទាយមានជ័យ ៖ ក្រោយបុណ្យចូលឆ្នាំថ្មីហើយគេឃើញពលករចំណាកស្រុកខុសច្បាប់សម្រុកចេញតាមច្រករបៀង ខុសច្បាប់ដែលកំពុងដេករង់ចាំរថយន្តមេខ្យល់ថៃមកទទួលយកទៅធ្វើការ។ សកម្មភាពនេះនៅថ្ងៃទី២៤ ខែមេសា ឆ្នាំ២០១៨ ស្ថិតច្រករបៀងខុសច្បាប់ដើមអម្ពិល ក្នុងភូមិសង្កែ ឃុំបឹងបេង ស្រុកម៉ាឡៃ។ ក្រោយថ្ងៃបុណ្យចូលឆ្នាំថ្មីហើយ គេឃើញមានពលករចំណាកដោយខុសច្បាប់ទៅតាមរយៈមេខ្យល់បានសម្រុកចេញតាមច្រករបៀងដោយខុសច្បាប់(ដើមអម្ពិល) ដែលគ្រប់គ្រងដោយកម្លាំងយោធាតំបន់ប្រតិបត្តការស្រុកម៉ាឡៃ។
ពលករចំណាកស្រុកកំពុងដេកតាម ព្រៃចម្ការ ប្រមាណជិត១០០នាក់ ដែលរងចាំរថយន្តមេខខ្យល់ថៃមកទទួលពេលយប់ចេញទៅរកការងារធ្វើនៅទីក្រុងបាងកក ប្រទេសថៃ។ ការលួចបើកច្រករបៀងខុសច្បាប់ធ្វើផ្គើននឹងបទបញ្ជាសម្តេចក្រឡាហោម ស ខេង ឧបនាយករដ្ឋមន្ត្រី ក្រសួងមហាផ្ទៃ ដែលបានដាក់វិធានការដល់អាជ្ញាធរខេត្តក៏ដូចជាកងកម្លាំងដែលឈរជើងតាមបន្ទាត់ព្រំដែន ចូលលុបបំបាត់ច្រករបៀងល្មើសច្បាប់ បើមានលួចបើកអាណាធិបតេយ្យតំបន់ណា តំបន់នោះទទួលខុសត្រូវចំពោះមុខ ច្បាប់។
តែជាក់ស្តែងក្រោយថ្ងៃបុណ្យឆ្នាំថ្មីហើយរយៈពេលប៉ុន្មានថ្ងៃនេះ ឃើញមានប្រជាពលរដ្ឋខ្មែរជាពលករ ចំណាកស្រុកខុសច្បាប់តាមរយៈមេខ្យល់ ឃើញសកម្មដេកកណ្តាលព្រៃប្រឈមគ្រោះថ្នាក់ ចេញរាល់ថ្ងៃយប់ តាមច្រករបៀងល្មើសច្បាប់(ដើមអម្ពិល) ដែលគ្រប់គ្រងដោយកម្លាំងយោធាខេត្ត។ សូមបញ្ជាក់ថា ខេត្តបន្ទាយមានជ័យមានព្រំដែនកម្ពុជា.ថៃ ប្រវែងជាង១៥៣គីឡូម៉ែត្រ ហើយមានជាប់៥ស្រុក.ក្រុងមាន១.ស្រុកម៉ាឡៃ ២.ស្រុកអូរជ្រៅ ៣.ក្រុងប៉ោយប៉ែត ៤.ស្រុកស្វាយចេក ៥.ស្រុកថ្មពួក ។ តាមរបាយការអភិបាលខេត្តបន្ទាយមានជ័យ ចាស់ ស្រង់ច្រករបៀងខុសច្បាប់ក្នុងខេត្តបន្ទាយមានជ័យមានចំនួន៦៣កន្លែង៕
ចែករំលែកព័តមាននេះ