ខេត្តសៀមរាប ៖ ប្រជាពលរដ្ឋចំនួន៤នាក់ រស់នៅស្រុកស្វាយលើ បានយកកាំភ្លើងកែច្នៃ ចំនួន៤ដើម មកប្រគល់ឱ្យកម្លាំងប៉ុស្តិ៍នគរបាលរដ្ឋបាលឃុំកន្ទួត ស្រុកស្វាយលើ ខេត្តសៀមរាប។ នាថ្ងៃទី២៥ ខែមេសា ឆ្នាំ២០១៨ នៅបរិវេណកម្លាំងប៉ុស្តិ៍នគរបាលរដ្ឋបាលឃុំកន្ទួត ដើម្បីយកទៅរក្សាទុកនៅ ប៉ុស្តិ៍ឃុំកន្ទួត ស្រុកស្វាយលើ រួចទុកប្រគល់បន្តទៅឱ្យអង្គការដោះមីនកម្ពុជា ដោយមានការចុះផ្សព្វផ្សាយ ជាញឹកញាប់ផងដែរ ទើបពួកបានគាត់យល់ដឹងយល់ច្បាស់កាន់តែខ្លាំងឡើងៗ។
បើតាមប្រភពពីប៉ូលិស ស្រុកស្វាយលើបានប្រាប់ថា ពលរដ្ឋដែលបានយកកាំភ្លើងកែច្នៃមកប្រគល់ឱ្យសមត្ថកិច្ចមូលដ្ឋានយើង មានចំនួន៤នាក់ ក្នុងនោះមាន៖ ទី១-ឈ្មោះ ណន ណាំ ភេទប្រុស អាយុ២៦ឆ្នាំ ទី២-ឈ្មោះ ទ្រង់ ស្និត ភេទប្រុស អាយុ២២ រស់នៅភូមិខ្នារក្រៅ ឃុំកន្ទួតស្រុក ស្វាយលើ ខេត្តសៀមរាប ទី៣-ឈ្មោះ សាយ ខេង ភេទប្រុស អាយុ២៧ឆ្នាំ និងទី៤-ឈ្មោះ ហុង ហេង ភេទប្រុស អាយុ២៧ឆ្នាំ អ្នកទាំង៤នាក់ មានទីលំនៅភូមិខ្នារក្រៅ ឃុំកន្ទួត ស្រុកស្វាយលើ ខេត្តសៀមរាប។
ពួកគាត់បានយល់ជ្រួតជ្រាបនូវ ការផ្សព្វផ្សាយនូវ គោលនយោបាយ ភូមិ ឃុំ មានសុវត្ថិភាព ក៏បានស្ម័គ្រចិត្តយកកាំភ្លើងកែច្នៃ (កាំភ្លើងឆ្នុក) ចំនួន៤ដើម មកប្រគល់ឱ្យកម្លាំងប៉ុស្តិ៍នគរបាលរដ្ឋបាលឃុំកន្ទួត ស្រុកស្វាយលើ ខេត្តសៀមរាប ដើម្បីយកទៅរក្សាទុកនៅប៉ុស្តិ៍ឃុំកន្ទួត ស្រុកស្វាយលើ ដើម្បីទុកប្រគល់បន្តទៅឱ្យ អង្គការដោះមីនកម្ពុជា យកទៅកម្ទេចចោលផងដែរ។ សូមបញ្ជាក់ផងដែរថា ដើម្បីចូលរួមចំណែក ក្នុងការអនុវត្តគោលនយោបាយ ភូមិ ឃុំ មានសុវត្ថិភាព និងបង្កា ទប់ស្កាត់ រាល់បទល្មើស គ្រប់ប្រភេទ កុំឱ្យកើតមាននៅក្នុងមូលដ្ឋានផងដែរ៕
ចែករំលែកព័តមាននេះ