ខេត្តក្រចេះ ៖ យុវជនម្នាក់បានរងការសម្លាប់ដោយមួលបំបាក់.ក ករណីនេះត្រូវបាន នគរបាលព្រហ្មទណ្ឌស្រុកសំបូរកំណត់ថា ជាអំពើឃាតកម្មដែលផ្តើមចេញពីមនុស្សដែល ស្គាល់គ្នា ។ ហើយមូលហេតុដែលឈានឲ្យមានអំពើសម្លាប់មួលបំបាក់.ក បែបនេះ…
ខេត្តក្រចេះ ៖ យុវជនម្នាក់បានរងការសម្លាប់ដោយមួលបំបាក់.ក ករណីនេះត្រូវបាន នគរបាលព្រហ្មទណ្ឌស្រុកសំបូរកំណត់ថា ជាអំពើឃាតកម្មដែលផ្តើមចេញពីមនុស្សដែល ស្គាល់គ្នា ។ ហើយមូលហេតុដែលឈានឲ្យមានអំពើសម្លាប់មួលបំបាក់.ក បែបនេះ នគរបាល នៅមិនទាន់បានកំណត់ច្បាស់នៅឡើយទេ ។
បុរសរងគ្រោះត្រូវបានគេស្គាល់ថាឈ្មោះ ខឿន កក្កដា អាយុ២៦ឆ្នាំ សព្វថ្ងៃស្នាក់នៅលើ ផ្ទះចម្ការម្នាក់ឯង មានទីតាំងនៅខាងក្រោយឃុំកំពង់ចាម ស្រុកសំបូរ និងត្រូវបានជនដៃដល់ មួលបំបាក់.ក បណ្តាលឲ្យស្លាប់នៅលើផ្ទះក្រោយ រយៈពេល១ថ្ងៃទើបមានការភ្ញាក់ផ្អើល ។
អធិការរងទទួលបន្ទុកព្រហ្មទណ្ឌស្រុកសំបូរលោកវរសេនីយ៍ត្រី នួន សារិន បានបញ្ជាក់ ប្រាប់ថា នគរបាលជំនាញព្រហ្មទណ្ឌស្រុកសំបូរនៅថ្ងៃទី២៥ ខែមេសានេះ បានចុះទៅពិនិត្យ លើទីតាំងកើតហេតុក៏ដូចជា សពជនរងគ្រោះ ក្រោយពីទទួលបានព័ត៌មានភ្លាមៗ ។
បើតាមលោកអធិការរងស្រុកបានបញ្ជាក់ថា សពរបស់ជនរងគ្រោះត្រូវបាន ជនដៃដល់ចាប់មួល.កបំបាក់រហូតដល់ស្លាប់នៅនឹងលើផ្ទះម្នាក់ឯង ។ ហើយករណី គឺនគរ បាលនៅមិនទាន់បានកំណត់ឲ្យច្បាស់ថា អាចផ្តើមចេញពីរឿងគំនុំ ឬក៏យ៉ាងណានៅឡើយ ដែរ ។ ដោយគ្រាន់តែកំណត់ថា ជនរងគ្រោះ និងជនដៃដល់អាចជាមនុស្សស្គាល់គ្នា ទើបឈានឲ្យមានការសម្លាប់បំបិទមាត់បែបនេះ ។
បើតាមលោក នួន សារិន អធិការរងរូបនេះបានអះអាងប្រាប់ថា ក្រោយការចុះពិនិត្យសពរួច ជនដៃដល់ត្រូវបាននគរបាលកំណត់អត្តសញ្ញាណ និងក៏កំពុងតែស្រាវជ្រាវចាប់ខ្លួនផងដែរ ៕
ចែករំលែកព័តមាននេះ