ទីក្រុងហូជីមិញ ៖ យោងតាមនាយកដ្ឋានការបរទេសនៅទីក្រុងហូជីមិញបានឲ្យដឹងថា ទីក្រុងនេះចង់ពង្រឹងកិច្ចសហប្រតិបត្តិការជាមួយអាហ្វ្រិកខាងត្បូង ក្នុងផ្នែកពាណិជ្ជកម្ម វិនិយោគ អប់រំ វិទ្យាសាស្ត្រនិងបច្ចេកវិទ្យា កសិកម្មប្រើបច្ចេកវិទ្យាខ្ពស់ និងវិស័យផ្សេងៗ…
ទីក្រុងហូជីមិញ ៖ យោងតាមនាយកដ្ឋានការបរទេសនៅទីក្រុងហូជីមិញបានឲ្យដឹងថា ទីក្រុងនេះចង់ពង្រឹងកិច្ចសហប្រតិបត្តិការជាមួយអាហ្វ្រិកខាងត្បូង ក្នុងផ្នែកពាណិជ្ជកម្ម វិនិយោគ អប់រំ វិទ្យាសាស្ត្រនិងបច្ចេកវិទ្យា កសិកម្មប្រើបច្ចេកវិទ្យាខ្ពស់ និងវិស័យផ្សេងៗ ទៀត ។
លោក Le Quang Long ប្រធាននាយកដ្ឋានការបរទេស បានថ្លែងនៅក្នុងពិធីអបអរគម្រប់ខួបលើកទី២៤ នៃថ្ងៃសេរីភាពរបស់អាហ្វ្រិកខាងត្បូង កាលពីថ្ងៃទី២១ មេសា កន្លងមកថា ៖«ជាមួយគោលនយោបាយបើកទូលាយ ទីក្រុងហូជីមិញ តែងតែស្វាគមន៍ និងសម្របសម្រួលដល់ក្រុមហ៊ុនបរទេសនានាដែលមកប្រកបអាជីវកម្មក្នុងប្រទេសវៀតណាម រួមមាន ក្រុមហ៊ុនមកពីអាហ្វ្រិកខាងត្បូងផងដែរ » ។
ឯកអគ្គរដ្ឋទូតអាហ្វ្រិកខាងត្បូងប្រចាំប្រទេសវៀតណាម លោក Mpetjane Kgaogeo Lekgoro បានថ្លែងថា ៖« នៅក្នុងរយៈពេលប៉ុន្មានឆ្នាំថ្មីៗនេះ ភាគីទាំងសងខាងបានធ្វើទស្សនកិច្ចថ្នាក់ខ្ពស់ ។ ការធ្វើពាណិជ្ជកម្មរបស់ពួកយើងបានលូតលាស់ពីប្រមាណ៧០០លានដុល្លារក្នុងឆ្នាំ២០១២ មកស្មើជាង១,៥ប៊ីលានដុល្លារក្នុងឆ្នាំ២០១៧ » ។
លោកឯកអគ្គរដ្ឋទូតបន្តថា ៖« វត្តមានក្នុងវិស័យទេសចរណ៍កំពុងតែបន្តកើនឡើងរវាងប្រទេសទាំងពីរ ព្រោះប្រជាពលរដ្ឋអាហ្វ្រិកខាងត្បូង និងវៀតណាម បានចាប់ផ្តើមឈ្វេងយល់ពីកេរដំណែលប្រពៃណី វប្បធម៌ និងប្រវត្តិសាស្ត្រទៅវិញទៅមក » ។
លោក Long លើកឡើងថា ភាគីទាំងសងខាងបានបង្ហាញពីការប្តេជ្ញាបង្កើនការធ្វើពាណិជ្ជកម្ម ឲ្យស្មើដល់២ប៊ីលានដុល្លារនៅពេលឆាប់ៗនេះ ។
ជាមួយគ្នានេះ នៅឆ្នាំ២០១៨ គឺជាខួបគម្រប់២៥ឆ្នាំនៃការបង្កើតឲ្យមានទំនាក់ទំនងការទូតរវាងប្រទេសវៀតណាម និងអាហ្វ្រិកខាងត្បូងផងដែរ ៕
ចែករំលែកព័តមាននេះ