រាជធានីភ្នំពេញ ៖ ជនសង្ស័យម្នាក់ត្រូវបានកម្លាំងសមត្ថកិច្ចប៉ុស្តិ៍ច្បារអំពៅទី២ ធ្វើការឃាត់ខ្លួនដល់លំនៅឋាន ក្រោយរូបគេបានធ្វើសកម្មភាពរំលោភសេពសន្ថវៈលើក្មេងស្រីអាយុ១២ឆ្នាំម្នាក់ បានសម្រេចជាច្រើនលើកច្រើនសារ នៅចំណុចវត្ត ស្ថិតក្នុងសង្កាត់ច្បារអំពៅទី២ ខណ្ឌច្បារអំពៅ ។
ជនសង្ស័យមានឈ្មោះ សៀង សុជាតិ ភេទប្រុស អាយុ៣៨ឆ្នាំ ជនជាតិខ្មែរ មុខរបរលក់ការ៉េម ស្នាក់នៅភូមិអូរអណ្តូង សង្កាត់ព្រែកប្រា ខណ្ឌច្បារអំពៅ តែជនសង្ស័យ ជាមនុស្សមានសារធាតុញៀនក្នុងខ្លួនផងដែរ ។ ចំណែកក្មេងស្រីរងគ្រោះមាន អាយុ១២ឆ្នាំ ស្នាក់នៅខណ្ឌច្បារអំពៅ ។
លោកទេព ប៉ូរ៉ា នាយប៉ុស្តិ៍នគរបាលឲ្យដឹងថា ដោយទទួលបានពាក្យបណ្តឹងពីម្តាយក្មេងស្រីរងគ្រោះកាលពីវេលាម៉ោង១០និង៣០នាទីព្រឹកថ្ងៃទី២៤ ខែមេសា ឆ្នាំ២០១៨ កម្លាំងសមត្ថកិច្ចបានឈានទៅឃាត់ជនសង្ស័យល្មោភកាមខាងលើដល់លំនៅឋាន ស្ថិតក្នុងសង្កាត់ព្រែកប្រា បញ្ចូនមកកាន់ប៉ុស្តិ៍នគរបាល ដើម្បីបន្តនីតិវិធី ។
ស្ត្រីជាម្តាយក្មេងស្រីរងគ្រោះសុំមិនបញ្ចេញឈ្មោះឲ្យដឹងថា នៅថ្ងៃទី២៣ ខែមេសា ដោយឃើញអាការៈកូនស្រីមានសភាពស្លេកស្លាំងខ្លាំង និងមិនសូវហូបបាយក៏សួរនាំទៅកូនស្រី មួយសន្ទុះធំទើបរូបនាងព្រមឆ្លើយប្រាប់ម្តាយថា មានគេចាប់រំលោភ ហើយរំលោភសម្រេចជាច្រើនដង តែបុរសជាជនសង្ស័យគំរាមមិនឲ្យនាងនិយាយប្រាប់នណារឡើយ បើពុំដូច្នោះរូបគេនឹងអា.កសម្លាប់ចោល ។
ស្ត្រីជាម្តាយបន្តថា ក្រោយកូនស្រីប្រាប់ដំណើររឿងអស់គាត់បាននាំនាងទៅពិនិត្យសុខភាព នៅមន្ទីរពេទ្យបង្អែកខេត្តកណ្តាល ត្រូវក្រុមគ្រូពេទ្យបញ្ជាក់ថា កុមារីរងគ្រោះមានស្នាមរលាត់ប្រដាប់ភេទ ។
តាមចម្លើយឆ្លើយសារភាពចំពោះមុខសមត្ថកិច្ច ជនសង្ស័យបានប្រាប់ថា រូបគេពិតជាបានធ្វើសកម្មភាពរំលោភសេពសន្ថវៈលើក្មេងស្រីរងគ្រោះប្រាកដមែន កាលពីថ្ងៃទី១៣ ខែមេសា ឆ្នាំ២០១៨កន្លងទៅនៅក្នុងបន្ទប់ទឹក ដោយប្រើវិធីទិញការ៉េម១កែវ ឲ្យក្មេងស្រីរងគ្រោះហូប និងបានប្រើទូរស័ព្ទបើកវីឌីអូរអាសអាភាពឲ្យក្មេងស្រីរងគ្រោះមើល រួចល្បួងចូលក្នុងបន្ទប់ទឹក ធ្វើសកម្មភាពរំលោភតែម្តង ។
ជនសង្ស័យឆ្លើយសារភាពបន្តថា មុនថ្ងៃកើតហេតុចុងក្រោយខ្លួនក៏ធ្លាប់រំលោភក្មេងស្រីរងគ្រោះសម្រេច២លើកមកហើយដែរ គឺនៅថ្ងៃទី១១ និងទី១២ ខែឆ្នាំដដែល ដោយប្រើវិធីសាស្ត្រដដែលខាងលើ និងនៅចំណុចដដែល ខណៈដែលកុមារីរងគ្រោះកំពុងរត់លេងជាមួយគ្នីគ្នានៅទីនោះ ។
បច្ចុប្បន្នជនសង្ស័យត្រូវបានបញ្ចូនខ្លួនទៅកាន់អធិការដ្ឋាននគរបាលខណ្ឌច្បារអំពៅ ដើម្បីឃុំខ្លួនបណ្តោះអាសន្ន ហើយរង់ចាំកសាងសំណុំរឿងបញ្ចូនទៅកាន់សាលាដំបូងរាជធានីភ្នំពេញ ចាត់ការតាមនីតិវិធីច្បាប់ ៕
ចែករំលែកព័តមាននេះ