ប្រទេសកាណាដា ៖ រថយន្តដឹកជញ្ជូនធុនតូចពណ៌សមួយគ្រឿងកាលពីថ្ងៃទី២៣ មេសា បានបុករះពួកអ្នកដើរក្នុងចម្ងាយច្រើនរយម៉ែត្រនៅទីក្រុងតូរ៉ុងតូ កាណាដា ។ មនុស្សយ៉ាងតិច៩នាក់ស្លាប់ ហើយ១៦នាក់ទៀតរងរបួស ។…
ប្រទេសកាណាដា ៖ រថយន្តដឹកជញ្ជូនធុនតូចពណ៌សមួយគ្រឿងកាលពីថ្ងៃទី២៣ មេសា បានបុករះពួកអ្នកដើរក្នុងចម្ងាយច្រើនរយម៉ែត្រនៅទីក្រុងតូរ៉ុងតូ កាណាដា ។ មនុស្សយ៉ាងតិច៩នាក់ស្លាប់ ហើយ១៦នាក់ទៀតរងរបួស ។ អ្នកបើកត្រូវប៉ូលិសចាប់ខ្លួន ។
ឧប្បត្តិហេតុនេះកើតមានរង្វង់ម៉ោង១៣និង៣០នាទីម៉ោងក្នុងស្រុកនាកណ្តាលក្រុងដែលតាមលោក PETER YUEN ប្រមុខរងប៉ូលិសក្រុងតូរ៉ុងតូថា បណ្តាលឱ្យមនុស្សស្លាប់យ៉ាងតិច៩នាក់ ហើយមនុស្ស១៦នាក់រងរបួស ក្នុងនោះ៥នាក់ស្ថិតក្នុងស្ថានភាពធ្ងន់ធ្ងរ ។
រដ្ឋមន្ត្រីសន្តិសុខសាធារណៈកាណាដា លោក RALPH GOODALE ថ្លែងថា នេះជាព្រឹត្តិការណ៍ធ្ងន់ធ្ងរបំផុតមួយ តែលោកគូសបញ្ជាក់ថា មកទល់ពេលនេះពុំទាន់មានការសន្និដ្ឋានបែបណាមួយនៅឡើយ ។ ប៉ូលិសធ្វើការស៊ើបអង្កេត ហើយអាជ្ញាធរចេញការប្រកាសអាសន្នតាម TWITTER ដោយលើកពីរថយន្តកាំមីញ៉ុងធុនតូចពណ៌សមួយបុករះមនុស្សច្រើននាក់នៅកណ្តាលក្រុងតូរ៉ុងតូ ។
ឧប្បត្តិហេតុនេះកើតមានខណៈនៅតូរ៉ុងតូកំពុងមានកិច្ចប្រជុំរដ្ឋមន្ត្រីសន្តិសុខសាធារណៈរបស់ G-7 ក្រោយកិច្ចប្រជុំកាលពីចុងសប្តាហ៍របស់រដ្ឋមន្ត្រីការបរទេសនៃប្រទេសមហាឧស្សាហកម្មទាំង៧ ហៅ G-7 ៕
ចែករំលែកព័តមាននេះ