ខេត្តកំពង់ចាម ៖ មានហេតុការណ៍ភ្ញាក់ផ្អើលមួយ បន្ទាប់ពីអ្នកស្រុកប្រទះឃើញបុរសជាប្តីដេកស្លាប់នៅក្បែរគុម្ពចេកខាងក្រោយផ្ទះ ចំណែកប្រពន្ធវិញដេកស្លាប់ក្នុងថ្លុកឈាមនៅលើផ្ទះឈើ ដោយមានស្នាមចាក់.កហូរឈាមក្រហមច្រាលគួរញាក់សាច់ ។ ករណីនេះ កើតឡើងនៅវេលាម៉ោង៥ព្រឹក ថ្ងៃទី២៣…
ខេត្តកំពង់ចាម ៖ មានហេតុការណ៍ភ្ញាក់ផ្អើលមួយ បន្ទាប់ពីអ្នកស្រុកប្រទះឃើញបុរសជាប្តីដេកស្លាប់នៅក្បែរគុម្ពចេកខាងក្រោយផ្ទះ ចំណែកប្រពន្ធវិញដេកស្លាប់ក្នុងថ្លុកឈាមនៅលើផ្ទះឈើ ដោយមានស្នាមចាក់.កហូរឈាមក្រហមច្រាលគួរញាក់សាច់ ។ ករណីនេះ កើតឡើងនៅវេលាម៉ោង៥ព្រឹក ថ្ងៃទី២៣ មេសា ស្ថិតនៅភូមិអំពិល ឃុំព្រែកដំបូក ស្រុកស្រីសន្ធរ ។
លោកឧត្តមសេនីយ៍ត្រី ហេង វុទ្ធី ស្នងការរងនគរបាលខេត្តទទួលផែនព្រហ្មទណ្ឌបានប្រាប់ឱ្យដឹងថា ប្តីប្រពន្ធ ដែលស្លាប់ទាំងពីរនាក់នេះ ប្តីឈ្មោះ ឡាច ធា អាយុ៣៨ឆ្នាំ ប្រកបរបរចិញ្ចឹមត្រី និងប្រពន្ធឈ្មោះ ស ស្រីណេង អាយុ៣៦ឆ្នាំ មានកូនស្រីម្នាក់អាយុ១០ឆ្នាំ ។ លោកស្នងការរងប្រាប់បន្តថា ក្រោយពីទទួលបានសេចក្តីរាយការណ៍ខាងលើនេះ លោកឧត្តមសេនីយ៍ទោ ឯម កុសល ស្នងការនគរបាលខេត្តបានចាត់ឱ្យរូបលោកដឹកនាំកម្លាំងចុះទៅកាន់ផ្ទះកើតហេតុបន្ទាន់ ដោយមានកិច្ចសហការជាមួយកម្លាំងអធិការដ្ឋាននគរបាលស្រុកស្រីសន្ធរ បើកប្រតិបត្តិការស៊ើបអង្កេត និងធ្វើកោសល្យវិច័យលើសាកសព ដើម្បីរកមូលហេតុឱ្យច្បាស់ថា តើការស្លាប់នេះបណ្តាលមកពីអ្វី ?
តាមការសន្និដ្ឋានជំហានបឋមលើករណីនេះ គឺអាចជាទង្វើរបស់ប្តីដែលបានលួចចាក់កប្រពន្ធពេលនាងកំពុងដេកលក់ បណ្តាលឱ្យប្រកាច់ស្លាប់យ៉ាងវេទនា ។ រីឯប្តីកំណាចបន្ទាប់ពីចាក់.កប្រពន្ធបានសម្រេចហើយ ក៏បានព្យាយាមរត់គេចខ្លួន ដើម្បីកុំឱ្យសមត្ថកិច្ចចាប់ តែទេវតាមិនជួយក៏បានអស់ខ្យល់ដួលស្លាប់នៅតាមផ្លូវក្បែរគុម្ពចេក ដែលការស្លាប់នេះមិនមានស្លាកស្នាមអ្វីនៅលើខ្លួនប្រាណនោះទេ ។ ហេតុផលនេះត្រូវបានប៉ូលិសពន្យល់ថា តាមការសាកសួរបង្ហាញថា បុរសជាប្តីបានកើតរោគប្រចណ្ឌ ហើយប៉ុន្មានថ្ងៃមុនពេលកើតហេតុ ជននេះមិនហូបបាយនោះទេ លុះមកដល់យប់ថ្ងៃទី២២ មេសា នៅពេលដែលប្រពន្ធកំពុងដេកលង់លក់ក្នុងដំណេក ប្តីកំណាចនោះក៏បានយកកាំបិតទៅចាក់បំពង់កប្រពន្ធបណ្តាលឱ្យបាញ់ឈាមប្រកាច់ស្លាប់ភ្លាមៗ ។
ប្រភពបានបន្តថា បន្ទាប់មកជនដៃដល់បានព្យាយាមរត់គេចខ្លួនចេញពីផ្ទះ បានចម្ងាយប្រមាណជា២.០០០ម៉ែត្រ ក៏ដួលស្លាប់ដោយសារតែខ្យល់គរ ព្រោះតែមិនបានហូបបាយប៉ុន្មានថ្ងៃមកហើយ និងម្យា៉ងទៀតប្រហែលជាជននេះតក់ស្លុតភិតភ័យនឹងការតាមចាប់ខ្លួនរបស់សមត្ថកិច្ចផង ៕
ចែករំលែកព័តមាននេះ