ខេត្តបន្ទាយមានជ័យ ៖ ខេត្តបន្ទាយមានជ័យរយៈពេល២ថ្ងៃមានគ្រោះថ្នាក់ស្លាប់ដោយលង់ទឹកចំនួន៣នាក់ (ស្ត្រីម្នាក់) ក្រោយបញ្ចប់ថ្ងៃបុណ្យឆ្នាំថ្មីឆ្នាំច ឆ្នាំ២០១៨ ។
ករណីទី១.កាលពីថ្ងៃទី២១ ខែមេសា ឆ្នាំ២០១៨ នៅចំណុចត្រពាំងកំណប់ ស្ថិតភូមិកំណប់ ឃុំស្លក្រាម ស្រុកស្វាយចេក មានជនរងគ្រោះម្នាក់លង់ទឹកស្លាប់មានឈ្មោះ ឡូយ ឈិន ភេទស្រី អាយុ៥៣ឆ្នាំ រស់នៅភូមិក្លែងពណ៌ ឃុំស្លរក្រាម ។ ត្រូវបានអ្នកស្រុកប្រទះឃើញអណ្តែតទឹកលង់ស្លាប់ដោយមូលហេតុជីវភាពជួបការលំបាកផឹកស្រាស្រវឹងចុះបេះក្រអៅឈូកក្នុងបឹងកំណប់លង់ទឹក នៅម៉ោង០៣ល្ងាច រហូតដល់ម៉ោង១០និង២០នាទីយប់ ថ្ងៃដដែលទើបរកឃើញ ។
ករណីទី២.កាលពីថ្ងៃទី២១ ខែមេសា ឆ្នាំ២០១៨ នៅចំណុចស្ទឹងស្ថិតភូមិខ្ទុមរាយកើត ឃុំបត់ត្រង់ ស្រុកមង្គលបូរី មានជនរងគ្រោះម្នាក់លង់ទឹកស្លាប់មានឈ្មោះ ម៉ោង សូ ភេទប្រុស អាយុ៨៣ឆ្នាំ រស់នៅភូមិកើតហេតុដែលប្រទះឃើញម៉ោង០៤ល្ងាចថ្ងៃដដែល ។ មូលហេតុដោយជនរងគ្រោះទឹកឡើងបានចុះដកមង្គោលស្ពានរំកិលឡើងលើបានរអិលធ្លាក់ចូលទឹកជ្រៅលង់ស្លាប់ ។
ករណីទី៣.កាលពីថ្ងៃទី២២ ខែមេសា ឆ្នាំ២០១៨ នៅត្រង់ចំណុចប្រឡាយស្ពានក្រឡ ស្ថិតភូមិតាអ៊ិន ឃុំស្រះរាំង ស្រុកមង្គលបូរី មានជនរងគ្រោះម្នាក់លង់ទឹកស្លាប់ឈ្មោះ សង ភូ ភេទប្រុស អាយុ១០ឆ្នាំ រស់នៅភូមិកើតហេតុ ដែលត្រូវបានប្រទះឃើញម៉ោង០៤រសៀលថ្ងៃដដែល ។ មូលហេតុក្មេងប្រុសរងគ្រោះទៅលេងទឹកប្រឡាយបណ្ដាលលង់ស្លាប់ ៕
ចែករំលែកព័តមាននេះ