ខេត្តព្រៃវែង ៖ បុរសម្នាក់ត្រូវគេប្រទះឃើញដេកស្លាប់ ដោយក្នុងដៃខាងស្តាំកាន់ខ្សែភ្លើងជាប់នឹងដៃ សង្ស័យឆក់ខ្សែភ្លើងស្លាប់។ ហេតុការណ៍នេះបានកើតឡើងកាលពីវេលាម៉ោង៦ និង៣០នាទី ថ្ងៃទី២៣ ខែមេសា ឆ្នាំ…
ខេត្តព្រៃវែង ៖ បុរសម្នាក់ត្រូវគេប្រទះឃើញដេកស្លាប់ ដោយក្នុងដៃខាងស្តាំកាន់ខ្សែភ្លើងជាប់នឹងដៃ សង្ស័យឆក់ខ្សែភ្លើងស្លាប់។ ហេតុការណ៍នេះបានកើតឡើងកាលពីវេលាម៉ោង៦ និង៣០នាទី ថ្ងៃទី២៣ ខែមេសា ឆ្នាំ ២០១៨នេះ នៅចំណុចខាងជើងផ្ទះរបស់ជនរងគ្រោះចម្ងាយ៣៥ម៉ែត្រ។ សមត្ថកិច្ចបានឲ្យដឹងថា ជនរគ្រោះមានឈ្មោះ យឹម ផល្លា (ហៅម៉ៅ) អាយុ៥៩ឆ្នាំ រស់នៅភូមិអង្កាញ់ ឃុំប្រធាតុ ស្រុកកំពង់ត្របែក ខេត្តព្រៃវែង។
នៅមុនពេលកើតហេតុ គេឃើញជនរងគ្រោះបានដើរ ចេញពីផ្ទះឡើងថ្នល់ជាតិ តែមិនដឹងថា មានរឿងអីកើតឡើង ស្រាប់តែជនរងគ្រោះស្លាប់ តែត្រូវខ្សែភ្លើងរាយតាមផ្លូវចូលផ្ទះប្រជាពលរដ្ឋដែលធ្លាក់មកលើដីឆក់ស្លាប់នៅចំណុចខាងជើងផ្ទះរបស់ខ្លួនចម្ងាយ៣៥ម៉ែត្រ ដោយម្រាមដៃខាងស្តាំកាន់ខ្សែភ្លើងជាប់។
ក្រោយពីសមត្ថកិច្ចជំនាញស្រុកចុះពិនិត្យ លើខ្លួនសាកសព បានរកឃើញថា សពមិនមានស្នាកស្នាមអ្វីសោះ មានតែស្នាមខ្លោចគល់ម្រាមដៃស្តាំ ៣ម្រាម សមត្ថកិច្ចជំនាញសន្និដ្ឋានថា ជនរងគ្រោះពិតជាស្លាប់ដោយសារឆក់ខ្សែភ្លើងប្រាកដមែន។ បច្ចុប្បន្នសមត្ថកិច្ចបានប្រគល់សាកសពជូនក្រុមគ្រួសារយកទៅធ្វើបុណ្យតាមប្រពៃណី៕
ចែករំលែកព័តមាននេះ