បន្ទាយមានជ័យ ៖ តាមសេចក្តីរាយការណ៍បឋមបានឲ្យដឹងថា មុននេះបន្តិចព្រឹកថ្ងៃទី២៣ ខែមេសានេះ មានករណីគ្រោះថ្នាក់ចរាចរណ៍រថភ្លើងបុករថយន្តដឹកដីធ្លាក់ស្នាមភ្លោះរបួសម្នាក់ ។ គ្រោះថ្នាក់ចរាចរណ៍ខាងលើកើតឡើងនៅភូមិនិមិត្ត១ សង្កាត់និមិត្ត ក្រុងប៉ោយប៉ែត…
បន្ទាយមានជ័យ ៖ តាមសេចក្តីរាយការណ៍បឋមបានឲ្យដឹងថា មុននេះបន្តិចព្រឹកថ្ងៃទី២៣ ខែមេសានេះ មានករណីគ្រោះថ្នាក់ចរាចរណ៍រថភ្លើងបុករថយន្តដឹកដីធ្លាក់ស្នាមភ្លោះរបួសម្នាក់ ។ គ្រោះថ្នាក់ចរាចរណ៍ខាងលើកើតឡើងនៅភូមិនិមិត្ត១ សង្កាត់និមិត្ត ក្រុងប៉ោយប៉ែត ។
ជនរងគ្រោះឈ្មោះ ភួង ពេជ្រ ភេទប្រុស អាយុ៤៧ឆ្នាំ មានទីលំនៅភូមិនិមិត្តថ្មី សង្កាត់និមិត្ត ក្រុងប៉ោយប៉ែត(រងរបួសស្រាលពកក្បាល) ជាអ្នកបើកបររថយន្តដឹកដីម៉ាកអ៊ីណូ ចង្កូតឆ្វេង គ្មានស្លានលេខ ។ ចំណែករថយន្តដឹកដីធ្លាក់ស្នាមភ្លោះផ្ងារជើងមុខផ្ទះអ្នកស្រុក ។
តាមសេចក្តីរាយការណ៍បន្តថា រថភ្លើងបែកធុងទឹក និងខូចរ៉ាឌីយ៉ាទ័រខូចមិនអាចដំណើរការបានឡើយ ។ អ្នកដំណើរជាង៦០នាក់ បានចុះពីរថភ្លើងរកយានយន្តខ្លះជិះត្រឡប់ទៅក្រុងប៉ោយប៉ែតវិញ ឯអ្នកខ្លះបន្តដំណើរទៅមុខ ។ ពេលនេះសមត្ថកិច្ចកំពុងចុះពិនិត្យមើល វាស់វែងផងដែរ ។
ចែករំលែកព័តមាននេះ