អតីតយុទ្ធជនស្រុកចម្ការលើ២៥៧នាក់ បានទទួលការលើកទឹកចិត្តថ្នាក់ដឹកនាំ
- កំពង់ចាម
ខេត្តកំពង់ចាម ៖ កាលពីថ្ងៃសៅរ៍ទី២១ មេសា ២០១៨ នាយឧត្តមសេនីយ៍ គន់ គីម អនុប្រធាន និងជាអគ្គលេខាធិការ…
ខេត្តកំពង់ចាម ៖ កាលពីថ្ងៃសៅរ៍ទី២១ មេសា ២០១៨ នាយឧត្តមសេនីយ៍ គន់ គីម អនុប្រធាន និងជាអគ្គលេខាធិការ…
ខេត្តកំពង់ចាម ៖ កាលពីថ្ងៃសៅរ៍ទី២១ មេសា ២០១៨ នាយឧត្តមសេនីយ៍ គន់ គីម អនុប្រធាន និងជាអគ្គលេខាធិការ សមាគមន៍អតីតយុទ្ធជនកម្ពុជា និងលោក គួច ចំរើន អភិបាល នៃគណ:អភិបាលខេត្តកំពង់ចាម បានអញ្ជើញជួបសំណេះសំណាល និងបំពាក់គ្រឿងឥស្សិរយសជូនអតីតយុទ្ធជនកម្ពុជា នៅស្រុកចំម្ការលើ ចំនួន២៥៧នាក់ បំពាក់មេដាយប្រាក់ចំនួន៤២នាក់ មេដាយសំរិទ្ធ២១៥នាក់ និងផ្តល់ជូនថវិកាម្នាក់៥ម៉ឺនរៀលផងដែរ។
នាយឧត្តមសេនីយ៍ គន់ គីម និងលោក គួច ចំរើន អភិបាល នៃគណ:អភិបាលខេត្តកំពង់ចាម បានលើកឡើងប្រហាក់ប្រហែលគ្នាថា សូមឲ្យបងប្អូនអតីតយុទ្ធជនកម្ពុជាទាំងអស់គ្នារួមគ្នារក្សាមរតកសន្តិភាព និងការអភិវឌ្ឍ ដែលបានពីការលះបង់ សាច់ស្រស់ឈាមស្រស់ និងពលីកម្មគ្រប់បែបយ៉ាងរបស់បងប្អូនយើងទាំងអស់គ្នា។ នាយឧត្តមសេនីយ៍ បានអំពាវនាវឲ្យអាជ្ញាធរគ្រប់លំដាប់ថ្នាក់ត្រូវបន្តការខិតខំបន្ថែមទៀត ដើម្បីជួយដោះស្រាយរាល់បញ្ហាប្រឈម របស់បងប្អូនអតីតយុទ្ធជនទាំងអស់ ពិសេសចំពោះអតីតយុទ្ធជនដែលក្រីក្រលំបាក។
ចំណែកឯក្រុមការងារ ថ្នាក់ខេត្ត ស្រុក ឃុំ ត្រូវបន្តចុះត្រួវពិនិត្យស្ថានភាពជីវភាព សុខភាព របស់បងប្អូនអតីតយុទ្ធជន និងត្រូវជួយអន្តរាគមន៍ដោះស្រាយរាល់បញ្ហារបស់បងប្អូនដូចជា ការខ្វះខាតក្នុងជីវភាព ដោយឧបត្ថម្ភជាថវិកា ពេលមានជំងឺ ត្រូវសង្គ្រោះដោយបញ្ជូនបងប្អូនទៅមន្ទីរពេទ្យ និងបង្កលក្ខណៈឲ្យទទួលបានសេវាសាធារណៈផ្សេងៗ និងហាមដាច់ខាត មិនត្រូវទុកឲ្យបងប្អូន ជួបទុក្ខលំបាក ដោយយើងមិនបានដឹង ហើយមិនបានដោះស្រាយនោះឡើយ។ ក្នុងពិធីនោះ នាយឧត្តមសេនីយ គន់ គីម និងលោក គួច ចំរើន បានបំពាក់មេដាយការពារជាតិជូនអតីតយុទ្ធជនចំនួន២៥៧នាក់ និងបានឧបត្ថម្ភថវិកាក្នុងម្នាក់ៗ៥ម៉ឺនរៀលផងដែរ៕
ចែករំលែកព័តមាននេះ