ខេត្តបន្ទាយមានជ័យ ៖ ត្រៀមកម្លាំងទ្រង់ទ្រាយធំរបស់កម្លាំងកងរាជអាវុធហត្ថខេត្តបន្ទាយមានជ័យដើម្បីការពារសន្តិសុខ និងសណ្តាប់មុនថ្ងៃបោះឆ្នោតខាងមុខ ។
លោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្តបន្ទាយមានជ័យបានប្រាប់ថា ដោយមានការណែនាំពីលោកនាយឧត្តមសេនីយ៍ សៅ សុខា អគ្គបញ្ជាការរងកងយោធពលខេមរភូមិ និងជាមេបញ្ជាការកងរាជអាវុធហត្ថលើផ្ទៃប្រទេស ហើយកម្លាំងកងរាជអាវុធហត្ថខេត្តបន្ទាយមានជ័យបានត្រៀមកម្លាំងជាមុនដើម្បីការពារសន្តិសុខ និងសណ្តាប់ធ្នាប់មុនថ្ងៃបោះឆ្នោតជូនប្រជាពលរដ្ឋ និងប្រទេសជាតិអោយមានសុខសន្តិភាព ។
លោកបានបញ្ជាក់ថា កម្លាំងកងរាជអាវុធហត្ថមានតួនាទីការពារបូរណះភាពទឹកដី និងការពារសន្តិសុខជូនប្រជាពលរដ្ឋ ជួយអន្តរាគមន៍ដល់ប្រជាពលរដ្ឋនៅពេលមានគ្រោះធម្មជាតិមានគ្រោះទឹកជំនន់ រងគ្រោះដោយខ្យល់កន្ត្រាក់ គ្រោះរាំងស្ងួតមានដឹកទឹកជូនប្រជាពលរដ្ឋ និងកសាងផ្ទះជូនប្រជាពលរដ្ឋគ្មានជម្រក ជួយប្រមូលផលជូនប្រជាពលរដ្ឋ ។
លោកឧត្តមសេនីយ៍ត្រី បោន ប៊ិន បានប្តេជ្ញាចិត្តថា កម្លាំងកងរាជអាវុធហត្ថខេត្តបន្ទាយមានជ័យ និងបង្ក្រាបបទល្មើសគ្រឿងញៀន និងការពារសន្តិ និងសណ្តាប់ធ្នាប់ជូនប្រជាពលរដ្ឋក្នុងខេត្តឱ្យមានសុខសន្តិភាពដើម្បីភូមិ-ឃុំមានសុវត្ថិភាព ៕
ចែករំលែកព័តមាននេះ