ខេត្តបន្ទាយមានជ័យ ៖ បើតាមសេចក្តីរាយការណ៍បឋមបានឱ្យដឹងថា ជនសង្ស័យដែលចាប់នារីសតិមិនគ្រប់រំលោភបានសម្រេចក្នុងបន្ទប់ទឹកដីទំនេរគ្មានមនុស្សរស់នៅ ហើយត្រូវស្ត្រីជាម្តាយជនរងគ្រោះតាមទាន់ស្រែកផ្អើលឲ្យអ្នកស្រុកដេញចាប់ពេញភូមិ ហេតុការណ៍នេះកើតឡើងកាលពីព្រលប់ថ្ងៃទី13 មេសាកន្លងទៅថ្មីៗ ហើយត្រូវអាវុធហត្ថក្រុងប៉ោយប៉ែតចាប់ខ្លួនបាននៅវេលាទៀបភ្លឺព្រឹកថ្ងៃទី22 ខែមេសានេះ នៅចំណុចផ្ទះជួលមួយ ស្ថិតក្នុងភូមិចាន់គិរី សង្កាត់និងក្រុងប៉ោយប៉ែត។
សេចក្តីរាយការណ៍បន្តបទៀតថា ជនសង្ស័យខាងលើនៅមិនទាន់ស្គាល់អត្តសញ្ញាណនៅឡើយទេ ព្រោះសមត្ថកិច្ចកំពុងសាកសួរនៅឡើយ ចំណែកជនរងគ្រោះអាយុ18ឆ្នាំ។
ប្រភពដដែលបន្តថា នៅថ្ងៃកើតហេតុជនសង្ស័យបានពឹងពាក់ឲ្យជនរងគ្រោះទិញស្រាឲ្យ លុះនាងទៅដល់ក៏ចាប់ទាញនាងចូលបន្ទប់ទឹករំលោភរហូតសម្រេចតែម្តង។ ខណៈពេលនោះម្តាយជនរងគ្រោះតាមទាន់ប្រវាយប្រតប់ចាប់មិនឈ្នះ ជនសង្ស័យនេះក៏រត់គេចខ្លួនទាំងសល់តែខោលីអូ ហើយអ្នកស្រុកបានដេញតាមចាប់ផ្អើលពេញភូមិ តែជនសង្ស័យនៅតែគេចបាត់ ។
ក្រោយពេលកើតហេតុបន្ទាប់ពីចុះស្រាវជ្រាវអស់មួយរយៈតាមបទបញ្ជាលោកឧត្តមសេនីយ៍ត្រី បោន ប៊ិន មេបញ្ជាការអាវុធហត្ថខេត្ត លោកវរសេនីយ៍ត្រី នួន នីណារ៉ូ មេបញ្ជាការអាវុធហត្ថក្រុងប៉ោយប៉ែត បានដឹកនាំកម្លាំងតាមប្រមាញ់រកជនសង្ស័យរហូតចាប់ខ្លួនបានតែម្តង។ លោកមេបញ្ជាការបានប្រាប់តាមទូរស័ព្ទថា ពិតជាចាប់បានជនសង្ស័យក្នុងករណីរំលោភនារីសតិមិនគ្រប់មែន។ ពេលនេះកំពុងសាកសួរជនសង្ស័យ ដើម្បីកសាងសំណុំរឿងបញ្ជូនទៅទីបញ្ជាការអាវុធហត្ថខេត្តចាត់ការបន្តតាមនីតិវិធីច្បាប់។
ព័ត៌មានលម្អិតនឹងមានផ្សាយជូនលើទំព័រកាសែតកោះសន្តិភាព
ចែករំលែកព័តមាននេះ