បន្ទាយមានជ័យ ៖ ជនសង្ស័យ២នាក់ត្រូវបានកម្លាំងនគរបាលឃាត់ខ្លួន ករណីចែកចាយគ្រឿងញៀនខេទឹកកក ២កូនថង់ ដែលត្រូវឃាត់ខ្លួននៅវេលាម៉ោង៨ និង៤០នាទីថ្ងៃទី២០ ខែមេសា ឆ្នាំ២០១៨ ស្ថិតភូមិយាងថ្មី…
បន្ទាយមានជ័យ ៖ ជនសង្ស័យ២នាក់ត្រូវបានកម្លាំងនគរបាលឃាត់ខ្លួន ករណីចែកចាយគ្រឿងញៀនខេទឹកកក ២កូនថង់ ដែលត្រូវឃាត់ខ្លួននៅវេលាម៉ោង៨ និង៤០នាទីថ្ងៃទី២០ ខែមេសា ឆ្នាំ២០១៨ ស្ថិតភូមិយាងថ្មី ឃុំកូប ស្រុកអូរជ្រៅ ។
ជនសង្ស័យ២នាក់មានទី១-ឈ្មោះ ស៊ី ថា ភេទប្រុស អាយុ៣២ឆ្នាំ រស់នៅភូមិប៉ាលិលេយ្យមួយ សង្កាត់-ក្រុងប៉ោយប៉ែត ទី២- ឈ្មោះ ហ៊ាន ចាន់ឡា ភេទប្រុស អាយុ១៧ឆ្នាំ រស់នៅភូមិអូរស្ងួត ឃុំបន្ទាយនាង ស្រុកមង្គលបូរី ។
លោកវរៈសេនីយ៍ទោ សេស វិបុល អធិការនគរបាលស្រុកអូរជ្រៅបានប្រាប់ថា ជនសង្ស័យ២នាក់មុខសញ្ញាចាស់ដែលចែកចាយគ្រឿងញៀនយ៉ាងសកម្មទើបទទួលមុខសញ្ញា ហើយកម្លាំងនគរបាលស្រុកអូរជ្រៅសហការជាមួយកម្លាំងនគរបាលប៉ុស្តិ៍ឃុំកូប និងស្រាវជ្រាវចាប់ខ្លួនបាន២នាក់ និងវត្ថុតាងគ្រឿងញៀនមានមេតំហ្វេតាមីន ហៅខេទឹកកកចំនួន២កូនថង់ និង១កូនថង់តូច និងម៉ូតូ១គ្រឿងសម្ភារៈមួយចំនួន ។
លោកបានបញ្ជាក់ថា ក្រោយពេលឃាត់ខ្លួនជនសង្ស័យ២នាក់ និងវត្ថុតាងគ្រឿងញៀនកម្លាំងជំនាញបានកសាងសំណុំរឿងបញ្ជូនទៅស្នងការដ្ឋាននគរបាលខេត្តបន្ទាយមានជ័យ ដើម្បីរៀបចំសំណុំរឿងបញ្ជូនទៅសាលាដំបូងខេត្ត ចាត់ការតាមច្បាប់ ។
លោកវរៈសេនីយ៍ទោ សេស វិបុល បានបញ្ជាក់ថា ដោយមានការណែនាំពីលោកឧត្តមសេនីយ៍ទោ អាត់ ខែម ស្នងការនគរបាលខេត្តបន្ទាយមានជ័យ ដើម្បីដាក់វិធានការលុបបំបាត់គ្រឿងញៀនឲ្យអស់ និងការពារសន្តិសុខសណ្តាប់ធ្នាប់ឲ្យភូមិ-ឃុំមានសុវត្ថិភាពជូនប្រជាពលរដ្ឋ ត្រូវមានវិធានការលុបបំបាត់គ្រឿងញៀន៕
ចែករំលែកព័តមាននេះ