បន្ទាយមានជ័យ ៖ រថភ្លើងចេញដំណើរពីប៉ោយប៉ែតទៅក្រុងសិរីសោភ័ណបុកជាមួយរថយន្តមួយគ្រឿងទៀត រុញជាង៥០ម៉ែត្រ តែគ្មានអ្នករងគ្រោះធ្ងន់ធ្ងរទេ តែបណ្តាលឲ្យស្ទះចរាចរណ៍ដែលកើតឡើងនៅវេលាម៉ោង១១ថ្ងៃទី២១ ខែមេសា ឆ្នាំ២០១៨ ស្ថិតភូមិគីឡូម៉ែត្រលេខ៤ សង្កាត់ផ្សារកណ្តាល…
បន្ទាយមានជ័យ ៖ រថភ្លើងចេញដំណើរពីប៉ោយប៉ែតទៅក្រុងសិរីសោភ័ណបុកជាមួយរថយន្តមួយគ្រឿងទៀត រុញជាង៥០ម៉ែត្រ តែគ្មានអ្នករងគ្រោះធ្ងន់ធ្ងរទេ តែបណ្តាលឲ្យស្ទះចរាចរណ៍ដែលកើតឡើងនៅវេលាម៉ោង១១ថ្ងៃទី២១ ខែមេសា ឆ្នាំ២០១៨ ស្ថិតភូមិគីឡូម៉ែត្រលេខ៤ សង្កាត់ផ្សារកណ្តាល ក្រុងប៉ោយប៉ែត ។
អ្នកឃើញហេតុការបានប្រាប់ថា នៅពេលរថភ្លើងបុករថយន្ត គឺរថយន្តភ្លើងចេញពីស្ថានីយរឺរ៉ាប្រមាណជាង១គីឡូម៉ែត្រមានរថយន្តមួយគ្រឿង២បាំង ពណ៌ស ពាក់ស្លាក់លេខភ្នំពេញ2A-8727 បានបើកឆ្លងកាត់ផ្លូវរថភ្លើងពីត្បូងមកជើង ខណៈពេលដែលរថយន្តកំពុងចេញដំណើរពីប៉ោយប៉ែតទៅសីសូផុនរឺសិរីសោភ័ណបានបុករុញប្រមាណ៥ម៉ែត្រ តែគ្មានអ្នករងរបួសធ្ងន់ធ្ងរទេ តែអ្នកក្នុងរថយន្តភ័យទន់ដៃទន់ជើង ។
ក្រោយពេលដែលរថភ្លើងបុករថយន្តមួយគ្រឿងនោះដែលមាន២បាំង បណ្តាលឲ្យអ្នកជិះក្នុងរថយន្ត៣ទៅ៤នាក់ បានភ័យទន់ដៃទន់ជើងរកកលសន្លប់បានដឹកបញ្ជូនទៅមន្ទីពេទ្យ បង្អែកក្រុងប៉ោយប៉ែត តែគ្មានអ្នករងគ្រោះធ្ងន់ធ្ងរឡើយ តែរថយន្តបណ្តាលក្រពឹតមួយចំហៀងខាងឆ្វេងដោយរថភ្លើងបុក ។
គួរំលឹកថា ករណីគ្រោះថ្នាក់ចរាចរណ៍ដោយរថភ្លើងបុកនៅខេត្តបន្ទាយមានជ័យកើតមាន២ករណីហើយករណីទី១ កាលពីថ្ងៃទី០៧ ខែមេសា ឆ្នាំ២០១៨ ដែលបុករថយន្តកាំម៉ារី គ្មានអ្នករងគ្រោះធ្ងន់ធ្ងរទេ តែខូចខាតរថយន្តដែលកើតឡើងនៅម្តុំផ្សារ ស្រុកអូរជ្រៅ ។ ករណីទី២ នៅសង្កាត់ផ្សារកណ្តាលក្រុងប៉ោយប៉ែតគ្មានរងគ្រោះធ្ងន់ធ្ងរដូចគ្នា ។
ក្នុងឱកាសដែលលោកទេសរដ្ឋមន្ត្រី ស៊ុន ចាន់ថុល រដ្ឋមន្ត្រីសាធារណៈការ និងដឹកជញ្ជូនបើកដំណើរការ បានអំពាវនាវដល់បងប្អូនប្រជាពលរដ្ឋមុនឆ្លងកាត់ផ្លូវរថភ្លើងត្រូវមានការប្រុងប្រយ័ត្នខ្ពស់ មើលឆ្វេង ឬស្តាំមុនឆ្លងកាត់ផ្លូវដែកការពារគ្រោះថ្នាក់កើតឡើង ៕
ចែករំលែកព័តមាននេះ