ខេត្តបន្ទាយមានជ័យ ៖ សេចក្តីរាយការណ៍បឋមឱ្យដឹងថា ពលករប្រុស-ស្រីចំនួន៣៩នាក់ ប្រុងឆ្លងដែនខុសច្បាប់តាមច្រករបៀង ក្នុងឃុំគោករមៀត ស្រុកថ្មពួក ត្រូវបានកម្លាំងនគរបាលការិយាល័យប្រឆាំងការជួញដូរមនុស្ស និងការពារអនីតិជននៃស្នងការដ្ឋាននគរបាលខេត្ត សហការជាមួយនគរបាលការពារព្រំ…
ខេត្តបន្ទាយមានជ័យ ៖ សេចក្តីរាយការណ៍បឋមឱ្យដឹងថា ពលករប្រុស-ស្រីចំនួន៣៩នាក់ ប្រុងឆ្លងដែនខុសច្បាប់តាមច្រករបៀង ក្នុងឃុំគោករមៀត ស្រុកថ្មពួក ត្រូវបានកម្លាំងនគរបាលការិយាល័យប្រឆាំងការជួញដូរមនុស្ស និងការពារអនីតិជននៃស្នងការដ្ឋាននគរបាលខេត្ត សហការជាមួយនគរបាលការពារព្រំ
ដែនគោកលេខ807 និងនគរបាលប៉ុស្តិរដ្ឋបាលឃុំគោករមៀតទប់ស្កាត់ឃាត់ទាន់ កាលពីរសៀលថ្ងៃទី២០
មេសា ។
សេចក្តីរាយការណ៍បន្តថា ពលករទាំង៣៩នាក់ មានស្រី១៩នាក់ មកពីខេត្តបន្ទាយមានជ័យ៣៦នាក់ខេត្តព្រៃវែង២នាក់ និងខេត្តបាត់ដំបង១នាក់ ។
នាយរងការិយាល័យប្រឆាំងការជួញដូរមនុស្ស និងការពារអនីតិជននៃស្នងការដ្ឋាននគរបាលខេត្តលោកឱក សំណុក បានប្រាប់កោះសន្តិភាពថា ក្រោយពិធីបុណ្យចូលឆ្នាំថ្មីប្រពៃណីយ៌ជាតិ និងដោយមានការអនុញ្ញាតពីប្រធានការិយាល័យ ពិសេសលោកឧត្តមសេនីយ៍ទោ អាត់ ខែម ស្នងការនគរបាលខេត្ត ចុះពិនិត្យមើលតាមបន្ទាត់ព្រំដែន ក៏ប្រទះឃើញពលករទាំងអស់ខាងលើ ប្រុងចំណាកស្រុកខុសច្បាប់ ទើបទប់ស្កាត់អប់រំតែម្តង ។
អនុប្រធានការិយាល័យរូបនេះបន្តថា មិនត្រឹមតែធ្វើការអប់រំទេ ពលករទាំងនេះខាងលោកថែមទាំងឱ្យធ្វើកិច្ចសន្យាបញ្ឈប់ និងឱ្យពួកគេត្រឡប់ទៅលំនៅឋានរៀងខ្លួនៗវិញ ។
ព័ត៌មានលម្អិតនឹងមានផ្សាយជូនលើទំព័រកាសែតកោះសន្តិភាព ។
ចែករំលែកព័តមាននេះ