ខេត្តព្រៃវែង ៖ បុរសម្នាក់ជាប្អូនថ្លៃ បានចាប់រំលោភបងថ្លៃស្រីខ្លួនឯង ទាំងខ្លួនមានប្រពន្ធរស់នៅក្រោមដំបូលផ្ទះតែមួយ ដោយមិនខ្លាចរអែងចិត្តអ្នកណា ហើយក៏ព្រោះតែបងថ្លៃស្រីនោះ មានសតិមិនគ្រប់នោះ ។ ហេតុការណ៍នេះ កើតឡើងកាលពីវេលាម៉ោងប្រហែល១២ថ្ងៃត្រង់ថ្ងៃទី២០ មេសា នៅលើផ្ទះរបស់ជនរងគ្រោះនិងជនសង្ស័យ ។
បើតាមការឱ្យដឹងពីសមត្ថកិច្ចថា ជនសង្ស័យខាងលើ ឈ្មោះ សាន រួន ហៅប៉ែន អាយុ៣៣ឆ្នាំ ជាកសិករ រស់នៅភូមិស្នែរាន ឃុំបឹងព្រះ ស្រុកបាភ្នំ ខេត្តព្រៃវែង ។ ដោយឡែកបងថ្លៃស្រីរងគ្រោះ អាយុ៤៧ឆ្នាំ ជាមនុស្សមានសតិមិនគ្រប់ ។
ក្រោយពេលកើតហេតុ សមត្ថកិច្ចបានឃាត់ខ្លួនជនសង្ស័យយកទៅប៉ុស្តឹរដ្ឋបាលបឹងព្រះ ដើម្បីធ្វើការសាកសួរ ជនសង្ស័យបានឆ្លើយសារភាពថា ខ្លួនពិតជាបានរំលោភសេពសន្ទវៈបានសំរេចទៅលើជនរងគ្រោះដែលត្រូវជាបងថ្លៃពិតប្រាកដមែន ។
ព័ត៌មានលម្អិតនឹងមានផ្សាយជូនលើទំព័រកាសែតកោះសន្តិភាព ។
ចែករំលែកព័តមាននេះ