ខេត្តបន្ទាយមានជ័យ ៖ កាលពីវេលាម៉ោងជិត១១ព្រឹកថ្ងៃទី២១ មេសា នេះ មានករណីរថភ្លើងបុកជាមួយរថយន្ត ពេលកំពុងឆ្លងផ្លូវបណ្តាលឱ្យថរយន្តខូចខាតធ្ងន់ ឯអ្នកបើករងរបួសធ្ងន់ដូចគ្នា ស្ថិតត្រង់ចំណុចភូមិអូរជ្រៅ សង្កាត់ប៉ោយប៉ែត…
ខេត្តបន្ទាយមានជ័យ ៖ កាលពីវេលាម៉ោងជិត១១ព្រឹកថ្ងៃទី២១ មេសា នេះ មានករណីរថភ្លើងបុកជាមួយរថយន្ត ពេលកំពុងឆ្លងផ្លូវបណ្តាលឱ្យថរយន្តខូចខាតធ្ងន់ ឯអ្នកបើករងរបួសធ្ងន់ដូចគ្នា ស្ថិតត្រង់ចំណុចភូមិអូរជ្រៅ សង្កាត់ប៉ោយប៉ែត ក្រុងប៉ោយប៉ែត ។
សេចក្តីរាយការណ៍បន្តថា រថយន្តរងការខូចខាតខាងលើ ម៉ាកនីស្សាន់ ពណ៌.ស ប្រភេទ2បាំង ពាក់ស្លាកលេខភ្នំពេញ2AA-8727 បើកបរពីត្បូងឆ្លងផ្លូវរថភ្លើងទៅជើង ។ យ៉ាងណាក៏ដោយ ជនរងគ្រោះមិនទាន់ត្រូវបានគេស្គាល់អត្តសញ្ញាណនៅឡើយ ព្រោះសាច់ញាតិបានបញ្ជូនទៅមន្ទីរពេទ្យបាត់ ។
គួរបញ្ជាក់ថា នេះជាលើកទី២ហើយ ក្នុងករណីរថភ្លើងបុករថយន្តឆ្លងផ្លូវនៅក្រុងប៉ោយប៉ែត ត្រឹមរយៈពេលមិនទាន់បាន១ខែផង ចាប់តាំងពីរថភ្លើងដំណើរកាពីប៉ោយប៉ែតទៅសិរីសោភ័ណ និងពីសិរីសោភ័ណទៅក្រុងប៉ោយប៉ែត ។
ក្នុងពេលដែលបើកឱ្យដំណើរជាលើកដំបូងនៅស្ថានីយ៌រថភ្លើងក្នុងក្រុងប៉ោយប៉ែត ក្រោមអធិបតីភាពលោកទេសរដ្ឋមន្ត្រីស៊ុន ចាន់ថុល រដ្ឋមន្ត្រីក្រសួងសាធារណៈការ និងដឹកជញ្ជូនលោកបានអំពាវនាវតាមប្រព័ន្ធផ្សព្វផ្សាយឲ្យពលរដ្ឋរស់នៅខាងត្បូងផ្លូវជាតិលេខ5 ពិសេសអ្នកធ្វើដំណើរឆ្លងកាត់ផ្លូវរថភ្លើងត្រូវមានការប្រុងប្រយ័ត្នខ្ពស់ ។ ទោះជាបែបនេះក្តី ករណីខាងលើនៅតែកើតមាន ព្រោះតែអ្នកបើកបរយានយន្តខ្វះការប្រុងប្រយ័ត្ន ។
ព័ត៌មានលម្អិតនឹងមានផ្សាយជូនលើទំព័រកាសែតកោះសន្តិភាព ។
ចែករំលែកព័តមាននេះ