ខេត្តរតនគិរី ៖ បុរសម្នាក់ត្រូវបានប្រជាពលរដ្ឋប្រទះឃើញលង់ទឹកស្លាប់ ខណៈដែលគេចុះទៅងូតទឹកទន្លេម្នាក់ឯងមិនប្រយ័ត្ន ។ ហេតុការណ៍នេះបានកើតបង្កឱ្យមានការភ្ញាក់ផ្អើលនៅវេលាម៉ោង១០និង១០នាទីព្រឹក ថ្ងៃទី២០ ខែមេសា ឆ្នាំ២០១៨ នៅត្រង់ចំណុចកំពង់ទឹក ស្ថិតនៅក្នុងភូមិហាត់ប៉ក់ ឃុំហាត់ប៉ក់ ស្រុកវើនសៃ ខេត្តរតនគិរី ។
ប្រភពពីមន្ត្រីនគរបាលស្រុកវើនសៃ បានឲ្យដឹងថា ជនរងគ្រោះមានឈ្មោះ ញ៉េ ដែត ភេទប្រុស អាយុ២៩ឆ្នាំ ជនជាតិខ្មែរ មានស្រុកកំណើតនៅភូមិឈូកស ឃុំរាប ស្រុកបន្ទាយស្រី ខេត្តសៀមរាប បានមករកស៊ីនៅភូមិឃុំកើតហេតុខាងលើ ។
ប្រភពពីមន្ត្រីនគរបាលបន្តទៀតថា ដោយសារជនរងគ្រោះចុះទៅងូតទឹកទន្លេសេសាន្តតែម្នាក់ឯង ហើយស្រាប់តែត្រូវបានប្រជាពលរដ្ឋប្រទះឃើញស្លាប់បាត់ទៅហើយ រួចក៏រាយការណ៍មកសមត្ថកិច្ចមូលដ្ឋាន និងបានចុះទៅអន្តរាគមន៍ភ្លាមៗ ។ ក្រោយធ្វើការពិនិត្យជនរងគ្រោះពិតជាបានលងទឹកស្លាប់ពិតប្រាកដមែន ហើយប្រគល់សាកសពទៅឲ្យក្រុមគ្រួសារសាច់ញាតិយកទៅធ្វើបុណ្យតាមប្រពៃណីផងដែរ ៕
ចែករំលែកព័តមាននេះ