ខេត្តបន្ទាយមានជ័យ ៖ តាមសេចក្តីរាយការណ៍ពីបន្ទាត់ព្រំដែនបានឲ្យដឹងថា នៅរសៀលថ្ងៃ១៩ មេសា ២០១៨ សមត្ថកិច្ចឈរជើងនៅបន្ទាត់ព្រំដែនចំណុចឃុំបឹងបេង ស្រុកម៉ាឡៃ រួមមាននគរបាលការពារ ព្រំដែនគោកលេខ៨១៥…
ខេត្តបន្ទាយមានជ័យ ៖ តាមសេចក្តីរាយការណ៍ពីបន្ទាត់ព្រំដែនបានឲ្យដឹងថា នៅរសៀលថ្ងៃ១៩ មេសា ២០១៨ សមត្ថកិច្ចឈរជើងនៅបន្ទាត់ព្រំដែនចំណុចឃុំបឹងបេង ស្រុកម៉ាឡៃ រួមមាននគរបាលការពារ ព្រំដែនគោកលេខ៨១៥ ប៉ុស្តិ៍ចំបក់ដឹកនាំដោយលោកអនុសេនីយ៍ទោ ប៊ុន គុន ជាមេប៉ុស្តិ៍សហការ ជាមួយយោធាសឹករងស្រុកម៉ាឡៃបានធ្វើការទប់ស្កាត់ពលករប្រុងឆ្លងដែនខុសច្បាប់ទៅប្រទេសថៃចំនួន១០នាក់។ ពលករទាំង១០នាក់ខាងលើ មានស្រី២ប្រុស៨នាក់។ ពលករទាំងនេះខ្លះមកពីខេត្តបាត់ដំបង ខ្លះប៉ៃលិន និងខ្លះនៅបន្ទាយមានជ័យ។
សមត្ថកិច្ចជួរមុខចំណុចកើតហេតុប្រាប់ថា ពលករទាំង១០នាក់ ខាងលើ ក្រោយពីធ្វើការអប់រំបានឲ្យពួកគេធ្វើកិច្ចសន្យាបញ្ឈប់ឆ្លងដែនខុសច្បាប់ ព្រោះវាអាចប្រឈម បញ្ហាជាយថាហេតុគ្រប់ពេល បន្ទាប់មកបានឲ្យពលករទាំងនេះវិលត្រលប់ទៅលំនៅដ្ឋានវិញរៀងខ្លួនៗ។ គេសង្ស័យថា ករណីទប់ស្កាត់នេះអាចដោយសារតែរងការិះគន់ពីបណ្ដាញសារព័ត៌មានក្នុងស្រុក មួយចំនួន ផ្តិតយករូបភាព និងសសេរកាលពីយប់មិញ៕
https://youtu.be/13ouMmnspcQ
ចែករំលែកព័តមាននេះ