ខេត្តបន្ទាយមានជ័យ ៖ នាងក្រមុំខ្មែរម្នាក់ ចង.កបញ្ចប់ជីវិតក្នុងផ្ទះសំណាក់ និងបង្កភ្ញាក់ផ្អើលកាលពីរសៀលថ្ងៃទី១៦ មេសា ដែលជាថ្ងៃវ័នបត់ (ថ្ងៃកណ្តាលនៃពិធីបុណ្យចូលឆ្នាំ) សង្ស័យមានវិបត្តិផ្លូវចិត្ត ព្រោះឪពុកនាងថា…
ខេត្តបន្ទាយមានជ័យ ៖ នាងក្រមុំខ្មែរម្នាក់ ចង.កបញ្ចប់ជីវិតក្នុងផ្ទះសំណាក់ និងបង្កភ្ញាក់ផ្អើលកាលពីរសៀលថ្ងៃទី១៦ មេសា ដែលជាថ្ងៃវ័នបត់ (ថ្ងៃកណ្តាលនៃពិធីបុណ្យចូលឆ្នាំ) សង្ស័យមានវិបត្តិផ្លូវចិត្ត ព្រោះឪពុកនាងថា នាងមានទំនាក់ទំនងស្នេហ៍ជ្រុលខ្លួនជាមួយបុរសខ្មែរអ៊ិស្លាមម្នាក់ តែម្តាយខាងប្រុសបដិសេធ ដោយលើកហេតុផលពីសាសនាខុសគ្នា ។
ជនរងគ្រោះឈ្មោះ ជិន ពិសី អាយុ២៤ឆ្នាំ ស្នាក់នៅបន្ទប់ជួលនៃផ្ទះសំណាក់សុផលថាវី ក្នុងភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត និងមានទីលំនៅភូមិស្រះជ្រៃ ឃុំត្រពាំងប្រាសាទ ស្រុកត្រពាំងប្រាសាទ ខេត្តឧត្តរមានជ័យ ។ ជនរងគ្រោះចង.កនឹងក្រមាពោះគោទៅនិងដែករីដូវាំងននបង្អួច ។
នគរបាលជំនាញផ្នែកបច្ចេកទេសនៃអធិការដ្ឋានក្រុងប៉ោយប៉ែត ដែលចុះដល់កន្លែងកើតហេតុប្រាប់ថា យោងការសាកសួរម្ចាស់ផ្ទះសំណាក់ប្រាប់ថា ជនរងគ្រោះទើបមកជួលបន្ទប់លេខ49E ស្នាក់នៅកាល
ពីយប់ថ្ងៃទី១៥ មេសា ។ សមត្ថកិច្ចបន្តថា នៅម៉ោងជាង១២រសៀលថ្ងៃទី១៦ មេសានេះ កម្មករបោសសម្អាតបន្ទប់គោះទ្វារបន្ទប់ហៅគ្មានអ្នកឆ្លើយ ក៏គិតថា ប្រហែលជាអ្នកជួលដេកលក់ ។ លុះដល់ម៉ោងជិត៥ល្ងាចថ្ងៃដដែល មិនឃើញជនរងគ្រោះចេញពីបន្ទប់ ម្យ៉ាងនាំគ្នាហៅក៏មិនឆ្លើយ ក៏សម្រេចចិត្តរាយការណ៍ឲ្យសមត្ថកិច្ចចុះពិនិត្យមើលទើបដឹងថា នាងចង.កសម្លាប់ខ្លួនតាំងពីថ្មើរណានោះទេ ។
សមត្ថកិច្ចប្រាប់ថា អនុលោមតាមការសម្របសម្រួលពីលោកព្រះរាជអាជ្ញាអមសាលាដំបូងខេត្ត ការត្រួតពិនិត្យនិងធ្វើកោសល្យវិច័យជាមួយគ្រូពេទ្យជំនាញរកឃើញថា ជនរងគ្រោះចង.កធ្វើអត្តឃាតដោយខ្លួនឯង គ្មានអ្នកវាយធ្វើបាបនាងទេ ។ ម្យ៉ាងបន្ទប់កើតហេតុជនរងគ្រោះ មិនត្រឹមតែឡុកសោទេ ថែមទាំដាក់គន្លឹះពីក្នុងទៀត ។ ករណីអត្តឃាតចងកសម្លាប់ខ្លួនឯងខាងលើ ត្រូវបានប្រភពជាច្រើនប្រាប់ថា ជនរងគ្រោះមានវិបត្តិស្នេហាជាមួយបុរសម្នាក់ ប៉ុន្តែប្រភពទាំងនោះមិនប្រាប់លម្អិតនោះទេ ។
យ៉ាងណាក៏ដោយ តាមសម្តីផ្ទាល់ពីបុរសចំណាស់ឈ្មោះ ជិន តិ អាយុ៧០ឆ្នាំ ជាឪពុកបង្កើតជនរងគ្រោះប្រាប់ថា កូនស្រីរបស់គាត់ចង.កសម្លាប់ខ្លួន ដោយសារវិបត្តិស្នេហាជាមួយបុរសខ្មែរអ៊ិស្លាមម្នាក់ ។ ឪពុកជនរងគ្រោះរៀបរាប់ថា កូនស្រីរបស់គាត់ជាកូនពៅ ក្នុងចំណោមកូនប្រុសស្រី៧នាក់ ។ នាងបានចេញពីភូមិទៅធ្វើការផ្នែកអនឡាញនៅប្លុកកាស៊ីណូមួយក្នុងក្រុងប៉ោយប៉ែត៣ឆ្នាំហើយៗ ។ គាត់និយាយថា ប៉ុន្មានខែមុននេះ នាងប្រាប់គាត់ជាឪពុកនិងម្តាយថា មានបុរសខ្មែរអ៊ិស្លាមម្នាក់នៅក្រុងប៉ោយប៉ែត មានមុខរបរប្តូរប្រាក់ បានទំនាក់ទំនងស្រឡាញ់នាង ។ គាត់បន្តថា ក្រោយមកស្រាប់តែឮពាក្យថា ម្តាយឪពុកខាងប្រុសគេជំទាស់ ព្រោះតែសាសនាខុសគ្នា ធ្វើឲ្យនាងកាន់តែពិបាកចិត្ត ដ្បិតជ្រុលជ្រួសខ្លួនប្រាណ និងលង់ស្នេហ៍គ្នាយូរមកហើយ ។
ដោយសារជនរងគ្រោះបិទទូរស័ព្ទធ្វើឲ្យមិត្តរួមការងារបារម្ភ ព្រោះស្ទើរគ្រប់គ្នាដឹងរឿងរបស់នាងក៏ទាក់ទងទៅក្រុមគ្រួសារ ទើបឪពុកម្តាយនាងធ្វើដំណើរពីខេត្តឧត្តរមានជ័យតាមរក ដឹងអីពេលឃើញហួសពេលទៅហើយ គឺនាងគិតខ្លីចង.កធ្វើអត្តឃាតសម្លាប់ខ្លួនបាត់ទៅហើយ ។ នៅទីតាំងតម្កល់សពក្នុងវត្តបាលិលេយ្យ គេឃើញស្ត្រីជាម្តាយបានទ្រហ៊ោរយំឱបមឈូសកូន ខណៈបុគ្គលិករួមការងារជាមួយនាងក៏បង្ហូរទឹកភ្នែក ព្រោះតែអាណិតនាងដូចគ្នា ។
ផ្អែកលើអាកខោនហ្វេសប៊ុករបស់ជនរងគ្រោះឈ្មោះជាអក្សរអង់គ្លេស Pisey single នាងដូចជាមានគម្រោងចង.កធ្វើអត្តឃាតឱ្យដឹងជាមុនរួចហើយ ព្រោះក្នុងប្រូហ្វាលនោះមានរូបចំណងខ្សែមួយ ហើយសរសេរជាភាសាខ្មែរថា«មានពេលខ្លះចង់តែគិតខ្លី» ទីបំផុត នាងធ្វើអត្តឃាតចង.កសម្លាប់ខ្លួនដូចការគ្រោងទុកមែន ។
ជុំវិញបញ្ហាខាងលើកោះសន្តិភាព មិនអាចទាក់ទងសុំការបំភ្លឺពីបុរសខ្មែរអ៊ិស្លា មដែលរងការចោទប្រកាន់បានទេ ព្រោះមិនស្គាល់លេខទូរស័ព្ទ ។ សពត្រូវបានគេតម្កល់នៅវត្តបាលិលេយ្យក្នុងក្រុងប៉ោយប៉ែត ដើម្បីរង់ចាំចាត់ចែងពីឪពុកម្តាយ និងសាច់ញាតិជនរងគ្រោះថា តើគួរបូជានៅទីនោះឬត្រូវជួលរថយន្តដឹកទៅលំនៅដ្ឋាន ៕
ចែករំលែកព័តមាននេះ