រាជធានីភ្នំពេញ ៖ យោងតាមរបាយការណ៍របស់នាយកដ្ឋាននគរបាលចរាចរណ៍និងសណ្តាប់ធ្នាប់សាធារណៈបានឲ្យដឹងថា គ្រោះថ្នាក់ចរាចរណ៍ផ្លូវគោកទូទាំងប្រទេសក្នុងពិធីបុណ្យចូលឆ្នាំថ្មីប្រពៃណីជាតិរយៈពេល៣ថ្ងៃ គិតពីថ្ងៃទី១៤ដល់ទី១៦ ខែមេសា ឆ្នាំ២០១៨ កើតឡើង៥៥លើក ថយចុះ២៦%ប្រៀបធៀបនឹងរយៈពេលដូចគ្នាឆ្នាំមុន ស្លាប់២៦នាក់ ថយចុះ១០% របួសធ្ងន់៥៨នាក់ ថយចុះ២៨% របួសស្រាល២៣នាក់ ថយចុះ៦០% ។
ក្នុងចំណោមអ្នកស្លាប់ទាំង២៦នាក់នេះ អ្នកជិះមូ៉តូ២៣នាក់ ស្មើ៨៨% (យប់១០នាក់) ក្នុងនោះមិនពាក់មួកសុវត្ថិភាព២០នាក់ ស្មើ៨៧%ថ្មើរជើងស្លាប់៣នាក់ ស្មើ១២%(យប់២នាក់) ល្បឿន១២លើក ស្លាប់៤នាក់ ស្រវឹង៦លើកស្លាប់៥នាក់ ប្រជែង១១លើក ស្លាប់៦នាក់ មិនប្រកាន់ស្តាំ៧លើក ស្លាប់៣នាក់ មិនគោរពសិទ្ធិ១០លើកស្លាប់២នាក់ បត់គ្រោះថ្នាក់៦លើក ស្លាប់២នាក់ កត្តាយាន១លើក ស្លាប់១នាក់ ងងុយដេក២លើក ស្លាប់៣នាក់ ។ យានខូចខាតសរុបមាន ម៉ូតូ៥៧គ្រឿង រថយន្តតូច២៦គ្រឿង រថយន្តធំ៤គ្រឿង ។ គ្រោះថ្នាក់លើដងផ្លូវមាន ផ្លូវជាតិ២៤លើក ផ្លូវខេត្ត២៤លើក ផ្លូវលំ៧លើក ។ យានបង្កហេតុមាន មូ៉តូ៣១លើក រថយន្តតូច២១លើក រថយន្តធំ៣លើក ។
គ្រោះថ្នាក់ប៉ះទង្គិចមាន មូ៉តូនិងមូ៉តូ១៤លើកស្លាប់៣នាក់ មូ៉តូនិងរថយន្តតូច២៥លើក ស្លាប់១៤នាក់ មូ៉តូនិងរថយន្តធំ៤លើក ស្លាប់៣នាក់ មូ៉តូនិងថ្មើរជើង៣លើក ស្លាប់២នាក់ មូ៉តូដួលខ្លួនឯង៣លើក ស្លាប់២នាក់ មូ៉តូនិងផ្សេងៗ២លើក ស្លាប់១នាក់ រថយន្តតូចនិងរថយន្តតូច២លើក រថយន្តតូចនិងថ្មើរជើង១លើក ស្លាប់១នាក់ រថយន្តតូចក្រឡាប់១លើក ។ រាជធានី-ខេត្តដែលមានគ្រោះថ្នាក់និងរងគ្រោះច្រើនមាន ខេត្តតាកែវ៦លើក ស្លាប់៤នាក់របួស៩នាក់ ខេត្តកំពង់ចាម៥លើក ស្លាប់៣នាក់ របួស៥នាក់ ខេត្តព្រះវិហារ២លើក ស្លាប់២នាក់របួស២នាក់ ខេត្តបន្ទាយមានជ័យ២លើក ស្លាប់២នាក់ របួស១នាក់ ខេត្តកំពង់ធំ៣លើក ស្លាប់២នាក់ របួស៦នាក់ ខេត្តកែប៣លើក ស្លាប់៣នាក់ របួស៩នាក់ និងខេត្តក្រចេះ៣លើក ស្លាប់១នាក់ របួស៦នាក់ ៕
ចែករំលែកព័តមាននេះ